“បារខែមបាត់ដំបង ២០១៦” ឆ្នាំនេះនឹងចែករំលែកលើផ្នែកទេសចរណ៍ ផ្សារភ្ជាប់ទៅបច្ចេកវិទ្យាសម័យអ៊ីនធឺណិត ដែលអ្នកចូលរួមអាចចូលរួមដោយសេរីឥតគិតថ្លៃ។ សិក្ខាសាលានេះធ្វើឡើងក្នុងគោលបំណង បង្កើតឱកាសឲ្យសិស្សនិស្សិត និង យុវជន ក្នុងខេត្តបាត់ដំបង បានជួបជុំ និងទទួលបានការចែករំលែកចំណេះ ដឹង ពីបណ្ដាអ្នកឯកទេសក្នុងវិស័យបច្ចេកវិទ្យាព័ត៌មាន ផ្នែកទេសចរណ៍ និងអាជីវកម្មផ្សារភ្ជាប់បច្ចេកវិទ្យា ដែលវាគ្មិនអញ្ជើញមកពីក្រុមហ៊ុននានា ក្នុងវិស័យសណ្ឋា គារ ឬអ្នកជំនាញបច្ចេកវិទ្យា ពីរាជធានីភ្នំពេញ និងក្នុងខេត្តបាត់ដំបង។
@របៀបវារបារខែមបាត់ដំបង ២០១៦
ថ្ងៃទី ២៥ ខែមិថុនាឆ្នាំ ២០១៦
ម៉ោង ០៧:០០-០៧:៣០៖ បុគ្គលិកសាស្ត្រាចារ្យ សិស្សនិស្សិតអ្នកចូលរួមនិងភ្ញៀវកិត្តិយសជួបជុំគ្នា
ម៉ោង ០៧:៣០-៧:៤០៖ គណៈអធិបតីអញ្ជើញមកដល់
ម៉ោង ០៧:៤០-០៨:៥០៖ ពិធីបើក
ម៉ោង ០៨:៥០-៩:០០៖ ណែនាំកម្មវិធីនិងថតរូបអនុស្សាវរីយ៍
៩:១០-១០:៣០ព្រឹក៖ បទបង្ហាញកម្មវិធីចែករំលែកវគ្គទី១
១០:៣០-១២:០០ព្រឹក៖បទបង្ហាញកម្មវិធីចែករំលែកវគ្គទី២
១២:00 -១៣:៣០រសៀល៖ សម្រាកកម្មវិធីកម្រាន្តដោយក្រុមសង្ក្រាន្តភូមិយើង
១៤:០ -១៥:៣០រសៀល៖ បទបង្ហាញកម្មវិធីចែករំលែកវគ្គទី៣
១៥:៣០-១៧:០០រសៀល៖ បទបង្ហាញកម្មវិធីចែករំលែកវគ្គទី៤
ថ្ងៃទី ២៦ខែមិថុនាឆ្នាំ ២០១៦
៧:៣០ព្រឹក-៨:៣០៖ កម្មវិធីកម្សាន្ត ដោយក្រុមសង្ក្រាន្តភូមិយើង
៨:៣០ព្រឹក-១០:០០ព្រឹក៖ បទបង្ហាញកម្មវិធីចែករំលែកវគ្គទី៥
១០:០០ព្រឹក-១១:៣០ព្រឹក ៖ បទបង្ហាញកម្មវិធីចែករំលែកវគ្គទី៦
@តើអ្នកនឹងទទួលបានអ្វីនិងជួបនូវអ្វីខ្លះ?
ទទួលបានចំណេះដឹងគំនិតថ្មីនិងបានជួបជាមួយអ្នកនិយមបច្ចេកវិទ្យាអ្នកទីផ្សារ អ្នកធ្វើអាជីវកម្មអ្នកប្រើប្រាស់អ៊ីនធឺណិតធ្វើអាជីវកម្មដើម្បីត្រៀមខ្លួន សម្រាប់សហរណអាស៊ានខាងមុន។
-អាវយឺត (មានកំណត់) និងវត្ថុអនុស្សាវរីយជាច្រើនទៀតពីអ្នកឧបត្ថម្ភកម្មវិធីផ្សេងៗទៀត
-ភ្ជាប់ទំនាក់ទំនងជាមួយវាគ្មិននិងអ្នកចូលរួមដទៃសម្រាប់អាជីវកម្មនិងបណ្ដាញរបស់អ្នកទៅថ្ងៃមុខ
-អ្នកអាចសិក្សា និងរៀនសូត្រ ពីបទពិសោធន៍ជីវិតរបស់វាគ្មិនមួយដែលអញ្ជីញមកពីរាធានីភ្នំពេញ
-អ្នកមានឳកាសជួបជាមួយក្រុមអ្នកថតរូបអាជិព និងក្លាយជាអ្នកថតរូប ឬជំនួយការថតរូប
-អាចក្លាយជាអ្នកស្ម័គ្រចិត្ត ឬជាអ្នករៀបចំព្រឹត្តិការណ៍បារខែមក្នុងការការជួយរៀបចំព្រឹត្តិការនេះ ក្នុងខេត្តរបស់លោកអ្នកនិងដើម្បីឲ្យកម្មវិធីបារខែមបាត់ដំបង ដំណើរការឲ្យមានភាពងាយស្រួល ក្រុមការងារកម្មវិធីបានធ្វើការរៀបចំប្រធានបទ និងវាគ្មិន ទុកជាមុន និងបានអនុញ្ញាតឲ្យមានការប្រកាសផ្ទាល់នូវប្រធានបទថ្មី ពីបណ្ដាអ្នកចូលរួមដែលមានបំណងចង់ចែករំលែកប្រធានបទនៅក្នុងថ្ងៃកម្មវិធី (ក្នុងករណីមានបន្ទប់ទំនេរ)
@អ្នកត្រូវយកអ្វីមកខ្លះ? និងត្រូវត្រៀមខ្លួនយ៉ាងណា?
-សំលៀកបំពាក់សាមញ្ញ ឬតាមចំណង់ចំណូលចិត្តរបស់អ្នក
-អ្នកអាចចូលរួមប្រធានបទណាមួយក៏បានតាមចំណូលចិត្ត តាមម៉ោង តាមពេលវេលាកំណត់ និងតាមប្រធានបទដែលអ្នកគិតថាអាចស្ដាប់យល់
-អ្នកគួរតែប្រស្រ័យទាក់ទងជាមួយវាគ្មិនដើម្បីទំនាក់ទំនងការងារទៅថ្ងៃក្រោយ
-បើមានគម្រោងឬកិច្ចការចង់ធ្វើបទបង្ហាញ អាចយកមកបង្ហាញដើម្បីទទួលបានការចាប់អារម្មណ៍ឬកិច្ចសហការពីអ្នកចូលរួមឬក្រុមហ៊ុនផ្សេងៗ
-អ្នកអាចមកផ្ដល់មតិយោបលដល់ក្រុមការងារយើង ឬផ្ដល់ការណែនាំឬគំនិតល្អ សម្រាប់ការងារលើកក្រោយទៀត។
-លោកអ្នកមានម៉ោងសម្រាកអាហារថ្ងៃត្រង់ចាប់ពីម៉ោង១២ ដល់ ម៉ោង១:៣០។ អ្នកគួរតែប្រើប្រាស់ម៉ោងពិសាអាហារថ្ងៃត្រង់នេះសម្រាប់សំណេះសំណាលជាមួយមិត្តភ័ក្ដិឬវាគ្មិនមកពីរាធានីភ្នំពេញនិងលេងល្បែងកម្រាន្តប្រជាប្រិយជាមួយក្រុម សង្ក្រានភូមិយើង។
-អ្នកក៏អាចយកកញ្ចប់អាហារថ្ងៃត្រង់របស់អ្នកមកជាមួយផងដែរប្រសិនបើជាអ្នកចង់ចែករំលែកជាមួយអ្នករៀបចំកម្មវិធីនិងអ្នកចូលរួមដទៃទៀត
-សូមប្រុងប្រយ័ត្នរាល់សម្ភារៈផ្ទាល់ខ្លួនអ្នករៀបចំមិនទទួលខុសត្រូវរាល់ការបាត់បង់ឡើយ
-នៅពេលចប់កម្មវិធីប្រសិនបើអាចសូមមេត្តានៅជួយពួកយើងខ្ញុំដូចជាជួយប្រមូលសំរាមដាក់ក្នុងធុងនិងជួយដកផ្លាកផ្សេងៗចេញពីជញ្ជាំង។
@របៀបស្វែងរកប្រធានបទ
ប្រធានបទនីមួយៗនឹង ត្រូវធ្វើឡើងក្នុងបន្ទប់ ៦ ផ្សេងគ្នាហើយប្រធានបទនីមួយៗមានរយៈពេល ១ ម៉ោងកន្លះដូច្នេះអ្នកចូលរួមត្រូវពិនិត្យមើល និងស្វែងរកប្រធានបទដែលខ្លួនពេញចិត្តដើម្បីចូលរួមស្ដាប់តាមបន្ទប់ តាមម៉ោង និងប្រធានបទនីមួយៗ។ដើម្បីស្វែងរកប្រធានបទ អ្នកចូលរួមអាចមើលនៅលើផ្ទាំងតារាងប្រធានបទដែលអ្នករៀបចំកម្មវិធី បានបិទក្នុងបរិវេណកម្មវិធី ឬអាចចូលទៅវេបសាយបារខែមកម្ពុជា។
Website: www.barcampcambodia.org
Email: info@barcampcambodia.org
Facebook Page: BarCampBattambang
ស្វែងយល់ពីប្រធានបទកម្មវិធីបារខែមបាត់ដំបង ចុចទីនេះ
បារខែមបាត់ដំបង ២០១៦ ជាព្រឹត្តិការណ៍ចែករំលែកចំណេះដឹងដើម្បីលើកកម្ពស់វិស័យទេសចរណ៍ បដិសណ្ឋារកិច្ច និងបច្ចេកវិទ្យា។ កម្មវិធីនេះបានរៀបចំជារៀងរាល់ឆ្នាំនៅរាជធានីភ្នំពេញចាប់តាំងពី ឆ្នាំ ២០០៨ រហូតមកដល់បច្ចុប្បន្ននេះដោយឡែកបារខែមបាត់ដំបង បានធ្វើលើកដំបូងក្នុងឆ្នាំ ២០១៣ មក។
បារខែម (BarCamp) គឺជាឈ្មោះកម្មវិធីដែលបង្កើតឡើងលើកដំបូងនៅសហរដ្ឋអាមេរិកក្នុង ឆ្នាំ ២០០៥ ក្នុងគោលបំណងប្រមូលផ្ដុំអ្នកជំនាញខាងបច្ចេកវិទ្យា ដើម្បីចែករំលែកបទពិសោធន៍ពីគ្នាទៅវិញទៅមកតាមទម្រង់ថ្មីមួយ ដែលអាចចែករំលែកនូវអ្វីដែលខ្លូនចង់ចែករំលកទៅកាន់មនុស្ស ដែលចាប់អារម្មណ៍ប្រធានបទនោះទម្រង់មួយនេះត្រូវបានអ្នកចូលរួម យកទៅបង្កើតតាមតំបន់មូលដ្ឋានរបស់គេ ហើយបង្កើតជាព្រឹត្តិការណ៍នេះបានរីកសាយទូទាំងពិភពលោក ដែលព្រឹត្តិការណ៍នេះបានរៀបចំឡើងនៅតាមបណ្ដាទីក្រុងជាង ៤៥០ទីក្រុងលើពិភពលោក។