ក្រុមបាល់ទាត់ជម្រើសជាតិអាហ្សង់ទីន បានយកឈ្នះលើក្រុមការពារតំណែងជើងឯកឈីលី ២-១ ក្នុងការប្រកួត Copa America Centenario សន្សំពិន្ទុពូល D អម្បាញ់មិញនេះ។
Di Maria (លេខ៧) អបអរ ក្រោយស៊ុតចូលទី
២គ្រាប់របស់អាហ្សង់ទីន រកបានដោយខ្សែបម្រើស្លាប Angel Di Maria របស់ក្រុម Paris Saint-Germain នៅនាទី៥១ និងខ្សែបម្រើ វ័យ២៧ឆ្នាំ Ever Banega របស់ក្រុម Sevilla បន្ថែម១គ្រាប់ទៀត នៅនាទី៥៩។ ប៉ុន្តែឈីលី រកបាន១គ្រាប់វិញ នៅចុងម៉ោង៩០+៣ ដោយការតែតរបស់ខ្សែបម្រើវ័យ៣១ឆ្នាំ Jose Fuenzalida។
ក្នុងប្រកួតនេះ តារាឆ្នើមៗក្រុមឈីលី Alexis Sanchez របស់ក្រុម Arsenal និង Arturo Vidal របស់ Bayern Munich ក៏មានវត្តមានដែរ ប៉ុន្តែនៅតែមិនអាចជួយឲ្យក្រុមរបស់ពួកគេឈ្នះបាន ទោះបី Lionel Messi ប្រធានក្រុមរបស់អាហ្សង់ទីន មិនបានចូលលេង បានត្រឹមបម្រុង (ដោយសារមិនទាន់ Fit) ក៏ដោយ៕
