ជើងហោះហើរម៉ាឡេស៊ីរងសម្ពាធខ្យល់ម្សិលមិញ បង្កឲ្យអ្នកដំណើររងរបួស
សារព័ត៌មាន Channel News Asia បានឲ្យដឹងថា តាមសេចក្ដីថ្លែងការណ៍របស់របស់ក្រុមហ៊ុនអាកាសចរម៉ាឡេស៊ី ជើងហោះហើរ MH1 ដែលប្រតិបត្តិការដោយយន្តហោះ Airbus A380 បានរងសម្ពាធខ្យល់អំឡុងពេលធ្វើដំណើរនៅលើឈូងសមុទ្រ Bay of Bengal នៃប្រទេសឥណ្ឌាដែលបណ្ដាលឲ្យអ្នកដំណើរមួយចំនួន “រងរបួសតិចតួច”។
បើតាមកាសែត The Star របស់ម៉ាឡេស៊ី បានឲ្យដឹងថា មានមនុស្ស៣៤នាក់នៅលើយន្តហោះនោះបានរងរបួស។
ទោះជាយ៉ាងណាក្ដី ក្រុមហ៊ុនអាកាសចរម៉ាឡេស៊ីបានឲ្យដឹងថា យន្តហោះខាងលើបានទៅដល់ព្រលានយន្តហោះអន្តរជាតិកូឡាឡាំពួរដោយសុវត្ថិភាព ចំណែកក្រុមការងារជួយសង្គ្រោះ និងមន្ត្រីជាន់ខ្ពស់របស់ក្រុមហ៊ុនក៏បានទៅពិនិត្យមើលជើងហោះហើរផងដែរ។
