ជនឆ្លៀតឱកាសលក់សំបុត្របន្តតម្លៃរហូតដល់៣ម៉ឺនរៀលសម្រាប់ VIP
 |
| Add caption |
ហើយលក់សំបុត្របន្តឲ្យទៅអ្នកផ្សេងបានដំឡើងតម្លៃរហូតដល់៣ម៉ឺនរៀលសម្រាប់សំបុត្រប្រភេទ A ខណៈតម្លៃធម្មតា ប្រភេទ A តម្លៃ១ម៉ឺនរៀល និង ប្រភេទ B តម្លៃ៥ពាន់រៀល។
កាលពីព្រឹកមិញនេះ អ្នកគាំទ្រម្នាក់បានប្រាប់ Sabay ថា រូបគេទិញសំបុត្រកម្រិត VIP បាន២សន្លឹក ប៉ុន្តែមួយសន្លឹកតម្លៃរហូតដល់៣ម៉ឺនរៀល។ អ្នកគាំទ្ររូបនេះបាននិយាយថា ពេលរូបគេទៅដល់កន្លែងលក់សំបុត្រមុខពហុកីឡដ្ឋានជាតិម៉ោង៩ព្រឹកមិញ ក៏ស្រាប់តែលឺបុរសម្នាក់និយាយរឿងសំបុត្រប្រភេទ A ហើយរូបគេក៏ដើរទៅសួរទើបដឹងថា បុរសនោះមានសំបុត្រប្រភេទ A លក់បន្ត ប៉ុន្តែតម្លៃ៣ម៉ឺនរៀល។
«នៅមុខហាងភិហ្សា ជិតផ្សារស៊ីធីមល់ហ្នឹង គាត់ខលទៅទូរសព្ទទៅនរណាម្នាក់ ក៏មានគេយកសំបុត្រមកឲ្យគាត់ប្រភេទ A ប្រហែលជា ១០ទៅ២០សន្លឹក ខ្ញុំក៏ទិញយក២សន្លឹក»។ អ្នកគាំទ្រនិយាយប្រាប់ Sabay និងបានបញ្ជាក់ថា រូបគេមិនដឹងថា បុរសនោះជានរណាទេដោយឈរនៅម្តុំអ្នកទិញសំបុត្រដែរ។ មិនត្រឹមតែប៉ុណ្ណោះ បុរសនោះក៏មានសំបុត្រភេទ B ដោយតម្លៃឡើងដល់១ម៉ឺនរៀល។
ពាក់ព័ន្ធនឹងករណីនេះ លោក សុខា រ៉ានាថ ដែលទទួលបន្ទុកផ្នែកទីផ្សារនៅសហព័ន្ធបាល់ទាត់កម្ពុជា និងអ្នកទទួលបន្ទុកផ្នែកលក់សំបុត្របានបញ្ជាក់ថា តាមពិតសំបុត្រប្រភេទ A លក់អស់តាំងពីម្សិលមិញ។ ចំពោះជនណាម្នាក់ទិញសំបុត្រយកទៅលក់បន្តដោយតម្លើងតម្លៃយ៉ាងណានោះគឺជារឿងរបស់គេ ដោយមិនជាប់ពាក់ព័ន្ធនឹងសហព័ន្ធឡើយ។ បើនរណាម្នាក់ជាប់ពាក់ព័ន្ធនឹងសហព័ន្ធ បានប្រព្រឹត្តបែបនេះមែននេះ ហើយសហព័ន្ធចាប់បានភស្តុតាងពិតប្រាកដនោះ សហព័ន្ធនឹងចាត់វិធានការតាមច្បាប់។
សំបុត្រត្រូវបានចាប់លក់កាលពីថ្ងៃម្សិលមិញដែលជាថ្ងៃដំបូងដោយលក់អស់រហូតដល់៣ម៉ឺនសន្លឹក។ តាមចំនួនផ្លូវការសំបុត្រមានចំនួន៥ម៉ឺនសន្លឹកសម្រាប់លក់ចូលទស្សនាការប្រកួតជើងទីពីរនៃពានរង្វាន់ AFC Asian Cup 2019 នាថ្ងៃទី៧ មិថុនា នៅពហុកីឡដ្ឋានជាតិរវាងម្ចាស់ផ្ទះកម្ពុជា និងឆាយនីសតៃប៉ិ៕
