ម្ចាស់ពាន The Voice Cambodia រដូវកាលទី២ ថែល ថៃ សារភាពមកកាន់ Sabay ថា លោកពិតជាបានយកស្ទីលតាមលោក ខេមរៈ សិរីមន្ត ពិតមែនអំឡុងពេលប្រឡង។ ដែលការលើកឡើងនេះ ក្រោយមានការចាប់អារម្មណ៍ ជុំវិញលោកយកបទទៅប្រឡងភាគច្រើនរបស់ តារាចម្រៀងប្រចាំផលិតកម្មសាន់ដេខាងលើ។
ថែល ថៃ ថ្លែង៖ “បាទបង…ប្រិយមិត្តលើកឡើង ក៏ត្រូវដែរបង…គាត់ជា Idol ខ្ញុំ ហើយកាលប្រឡងខ្ញុំយកបទបង ខេមរៈ ហើយច្រៀងឲ្យដូចគាត់ ព្រោះដើម្បីជាភាពទាក់ទាញ ។ ពេលដែលខ្ញុំបានជោគជ័យ ខ្ញុំនឹងព្យាយាមឲ្យមានស្ទិលផ្ទាល់ខ្លួនរបស់ខ្ញុំវិញ”។
អំឡុងប្រឡង The Voice Cambodia ម្ចាស់ពានរូបនេះ បានលើកយកបទរបស់លោក ខេមរៈ សិរីមន្ត ចំនួន៤បទ មានដូចជា “សង្សារក្រជូនពរអូន” “ជំងឺខ្វះអ្នកថែរស់បានយូរប៉ុណ្ណា” “ស្អប់” និង “ក្រមុំឡើងថ្លៃ”។
ស្តាប់ការបកស្រាយពី ថែល ថៃ ខាងក្រោម៖