រាជធានីភ្នំពេញ ៖ អនុប្រធានគណៈកម្មាធិការនាយកគណបក្សសង្គ្រោះជាតិ លោក អេង ឆៃអ៊ាង បានលើកឡើងថា គណបក្សសង្គ្រោះជាតិ (CNRP) នឹងរៀបចំសិក្ខាសាលា ដើម្បីសិក្សាអំពី “ច្បាប់ស្ដីពីសញ្ជាតិ” និង “ច្បាប់ស្ដីពីអន្ដោប្រវេសន៍” ។
ថ្លែងនៅទីស្នាក់ការកណ្តាលគណបក្សសង្គ្រោះជាតិ នៅសង្កាត់ចាក់អង្រែលើ ខណ្ឌមានជ័យ នាព្រឹកថ្ងៃទី១៥ សីហានេះ លោកអេង ឆៃអ៊ាង បន្តថា នៅរៀងរាល់ថ្ងៃចន្ទ ពុធ សុក្រ CNRP នឹងរៀបចំវេទិកានយោបាយ ។ យ៉ាងណាក៍ដោយមន្ត្រីជាន់ខ្ពស់គណបក្សប្រឆាំងរូបនេះ មិនបានបញ្ជាក់អំពីកាលបរិច្ឆេទច្បាស់លាស់នៃការបើកសិក្ខាលាសិក្សាអំពី “ច្បាប់ស្ដីពីសញ្ជាតិ” និង “ច្បាប់ស្ដីពីអន្ដោប្រវេសន៍”នៅឡើយទេ ៕
