ជួយshare ដើម្បីអោយបងប្អូនយើងបានដឹង សូមបងបងសមត្ថតកិច្ចជួយអន្តរាគមន៌ផង

ពេលព្រឹកថ្ងៃទី17ខែ08ឆ្នាំ2016 ខ្ញុំនិងប្អូនប្រុសបានចេញដំណើពីភ្នំពេញ ទៅឃុំសែប (ខេត្តកំពង់ឆ្នាំង) ពេលចេញដំណើរទៅដល់សង្កាត់ព្រែកភ្នៅស្រាប់តែមានជនបង្កហេតុម្នាក់ជិះម៉ូតូ អាសង់១២៥សេសេបិទស្កុតពណ៌ស ជិះកៀខ្ញុំហើយជ្រេពេញផ្លូវ គេជិះនៅខាងមុខខ្ញុំហើយព្យាយាមចាប់ប្រាំងអោយខ្ញុំបុកគូតម៉ូតូគេ ប៉ុន្តែសំណាងដែរខ្ញុំចាប់ប្រាំងទាន់ ហើយខ្ញុំកជិះវាគេ ហើយខ្ញុំប្រាប់គាត់ថាបងឯងជិះចឹងគ្រោះថ្នាក់ដល់គេងាប់ហើយពេលនោះខ្ញុំក៏ជិះមូ៉តូបន្តទៅមុខទៀតរហូតដល់កន្លែងកើតហេតុស្រុកឧដុង្គភូមិវាំងចាស់ ទល់មុខវត្តប្រាំងជនបង្ករ២ម៉ូតូផ្សេងទៀតជិះមកកៀខ្ញុំអោយឈប់ហើយរត់មកដកសោម៉តូខ្ញុំប្រាប់ថាចាំគ្នាគេមកដល់ចាំនិយាយគ្នាប្រហែល២នាទីគ្នាគេមកដល់ក៏ធ្វើការវាយប្រហាមកលើប្អូនខ្ញុំនិងខ្ញុំហើយខ្ញុំនិងប្អូនខ្ញុំក៏តដៃជាមួយជនអនាមិគទាំងនោះ រហូតបានសោមកវិញ នៅក្នងរោងកាហ្វេមួយកន្លែង( ប្អូនខ្ញុំរបួសមុខ និងក្បាលខាងក្រោយ ខ្ញុំរបួសផ្នែកក្បាលខាងក្រោយ) ខ្ញុំស្រែកអោយប្រជាពលរដ្ធនៅទីនោះជួយដែប៉ុន្តែអត់មានអក្នណាហានជួយទេ ហើយជនល្មើសក៏រត់បាត់ដោយសាដណ្តើមសោម៉ូតូអត់បាន( បញ្ចាក់ជនល្មើស មានគ្នាប្រមាន៦ទៅ៧នាក់ ៣នាក់ធ្វើសកម្មភាព ៣-៤នាក់ទៀតចាំយកម៉តូដោយក្លែងបន្លំរូបភាពធ្វើជាស្ទាវវៃគ្នា ដើម្បីបំភាន់ភ្នែកប្រជាពលរដ្ធ)។

ខ្ញុំបានថតស្លាកលេខម៉ូតូអាសង់មួយគ្រឿងលេខភ្នំពេញ-1BH 2743 ខ្ញុំបានដាក់ពាក្យបណ្តឹងនៅប៉ុស្ត៌ប៉ូលីស ហើយប៉ុន្តែអត់មានអ្នកធ្វើកាអោយទេទាំងមន្រ្តីប៉ូលីសនិង PM រវល់សែនក្បាលទឹកអស់ហើយ ខលទៅស្ថានីយវិទ្យុABC ក៏អត់ផ្សាយអោយទៀត ។ លុះពេលល្ងាចឡើងខ្ញុំត្រលប់ពីសែប មកភ្នំពេញវិញ ក៏ប្រទាស់ឃើញជនល្មើសជិះមូ៉តូ2គ្រឿង ស្ថិតភូមិកើតហេតុខាងលើ ប្អូនខ្ញុំបានទាញទូរស័ព្ទថត បានស្លាកលេខម៉តូស្កុបពីពណ៌ស ស្លាកលេខភ្នំពេញ1CP-6555 ខ្ញុំបានជិះតាមជនល្មើសដល់ចំណុចមុខវត្តមុនីចេតិយជនល្មើសក៏ជិះចូលតាមផ្លូវវត្តមុនីចេតិយ១គ្រឿង និងមួយគ្រឿងទៀតចូលតាមវត្ត ព្រះវិហាសំណខ្ញុំអត់ហានជិះតាមទេខ្ញុំខលទៅមេប៉ុស៌វាំងចាស់ដែលខ្ញុំដាក់ពាក្យបណ្តឹងនៅទីនោះ ប៉ុន្តែគួអោយស្តាយមេប៉ុសនោះគាត់អត់មកទេ ហើយអោយទៅប្តឹងនៅប៉ុសឃុំវិហាលួង គាត់ថាខុសទឹកដីគ្នាពេលអនុប៉ុសវិហាលួងមកដល់គាត់អោយទៅប្តឹងនៅប៉ុសវាំងចាស់ វិញគាត់ថាកន្លែងកើតហេតុនៅវាំងចាស់ និយាយរួមគឺមន្រី្តប៉ូលីសទាំង២ឃុំ អត់សហការគ្នា អត់ធ្វើការអោយប្រជាពលរដ្ធ សួថាពេលណឹងបើជនល្មើសទៅបង្កហេតុនៅកន្លែងផ្សេងទៀត រឺរត់បាតតើគាត់សមធ្វើជាមន្រី្តប៉ូលីសកាពារប្រជាពលរដ្ធទេគាត់ធ្វើប៉ូលីសដើម្បីអី ? ? ? ខ្ញុំអស់សង្ឃឹមណាស់សូមជួយshare បន្តផងខ្ញុំមិនដឹងត្រូវធ្វើបែបណាទេ បើប៉ូលិសអត់ធ្វើកាអោយផង ហើយសូមប្រុងប្រយត្ន៌ទាំងអស់គ្នា នៅស្លាកលេខម៉ូតូភ្នំពេញ-1BH 2743 ,ភ្នំពេញ1-CP 6555 ។

ជម្លោះក្នុងគ្រួសារ! ប្តីចាក់ប្រពន្ធបណ្តាលឲ្យប្រកាច់ស្លាប់ នៅសង្កាត់ស្ទឹងមានជ័យ, សមត្ថកិច្ចកំពុងតាមចាប់ប្តី

ភ្នំពេញ: ជម្លោះក្នងគ្រួសារបានបណ្តាលឲ្យស្រ្តីម្នាក់ ត្រូវបានប្តីចាក់សម្លាប់ដោយកាំបិតចុងស្រួច នៅវេលាម៉ោង១:១០នាទីយប់រំលងអាធ្រាត្រឈានចូលថ្ងៃទី១៦ ខែសីហា ឆ្នាំ២០១៦ ស្ថិតនៅចំណុចបន្ទប់ផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌមានជ័យ។

លោក ម៉េង វិមានតារា អធិការរងនគរបាលខណ្ឌមានជ័យ បានបញ្ជាក់ថា ជនសង្ស័យឈ្មោះ ទន់ ធាវី អាយុ៤៧ ឆ្នាំ ទីលំនៅផ្ទះជួល ផ្លូវលំភូមិ ត្នោតជ្រុំ៤ សង្កាត់ បឹងទំពុន ខណ្ឌមានជ័យ មុខរបរ រត់ម៉ូតូឌុប មានស្រុកកំណើត ភូមិបាលិលេយ្យ១ ឃុំ ដងឡង ស្រុកបាកាន ខេត្តពោធិសាត់ បាននិងកំពុងរត់គេចខ្លួន។ ដោយឡែកជរងគ្រោះឈ្មោះ សុខ សុឃិន អាយុ៤២ឆ្នាំ ស្នាក់នៅចំណុចកើតហេតុ មានមុខរបរ បើកកន្លែងកោសជប់ (មានស្រុកកំណើត ភូមិ វាល ឃុំ ចាម ស្រុក កំពង់ត្របែក ខេត្ត ព្រៃវែង។ វត្ថុតាងបន្សល់នៅកន្លែងកើតហេតុ៖ កាំបិតចិតបន្លែ០១ដើម,កាំបិតបុ័ងតោ០១។

លោក ម៉េង វិមានតារា បានបន្តទៀតថា នៅមុនពេលកើតហេតុជនសង្ស័យឈ្មោះ ទន់ ធាវី និង ជនរងគ្រោះឈ្មោះ សុខ សុឃិន ជាស្រ្តីមេម៉ាយមានកូនប្រុស០២នាក់ បានយកគ្នាជាប្តីប្រពន្ធ មកស្នាក់នៅផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌ មានជ័យ រាជធានីភ្នំពេញ ហើយពេលរស់នៅជាមួយគ្នាអ្នកទាំង០២ឧស្សាហ៍ឈ្លោះប្រកែកគ្នាក៏លែងលះ។

ក្រោយលែងលះគ្នាជនសង្ស័យបានចេញទៅរស់នៅផ្ទះជួល ភូមិត្នោតជ្រុំ៤ សង្កាត់ បឹងទំពុន លុះមកដល់ថ្ងៃកើតហេតុស្រាប់តែឮសំឡេងជនរងគ្រោះស្រែកឲ្យជួយចេញពីក្នុងផ្ទះ អ្នកជិតខាងបានចេញទៅមើលឃើញជនសង្ស័យឈ្មោះ ទន់ ធាវី កាន់កូនកាំបិតក្នុងដៃខ្លួនប្រឡាក់ឈាម រត់ចេញពីក្នុងផ្ទះតាមផ្លូវក្រោយគេចខ្លួនបាត់។

ចំណែកជនរងគ្រោះដេកស្លាប់ក្នុងផ្ទះ នៅក្បែរសពមានកាំបិតចិតបន្លែ០១ដើម,កាំបិតបុ័ងតោ០១ដើម។

លោកបានបន្តថា “ករណីនេះយើងបានធ្វើបានសហការជាមួយកម្លាំងការិយាល័យព្រហ្មទណ្ឌកំរិតធ្ងន់រាជធានីភ្នំពេញ ធ្វើការស្រាវជ្រាវរកជនសង្ស័យដើម្បីចាត់ការតាម នីតិវិធី”។ ដោយឡែកសពស្រ្តីរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី។

ភ្នំពេញ: ជម្លោះក្នងគ្រួសារបានបណ្តាលឲ្យស្រ្តីម្នាក់ ត្រូវបានប្តីចាក់សម្លាប់ដោយកាំបិតចុងស្រួច នៅវេលាម៉ោង១:១០នាទីយប់រំលងអាធ្រាត្រឈានចូលថ្ងៃទី១៦ ខែសីហា ឆ្នាំ២០១៦ ស្ថិតនៅចំណុចបន្ទប់ផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌមានជ័យ។

លោក ម៉េង វិមានតារា អធិការរងនគរបាលខណ្ឌមានជ័យ បានបញ្ជាក់ថា ជនសង្ស័យឈ្មោះ ទន់ ធាវី អាយុ៤៧ ឆ្នាំ ទីលំនៅផ្ទះជួល ផ្លូវលំភូមិ ត្នោតជ្រុំ៤ សង្កាត់ បឹងទំពុន ខណ្ឌមានជ័យ មុខរបរ រត់ម៉ូតូឌុប មានស្រុកកំណើត ភូមិបាលិលេយ្យ១ ឃុំ ដងឡង ស្រុកបាកាន ខេត្តពោធិសាត់ បាននិងកំពុងរត់គេចខ្លួន។ ដោយឡែកជរងគ្រោះឈ្មោះ សុខ សុឃិន អាយុ៤២ឆ្នាំ ស្នាក់នៅចំណុចកើតហេតុ មានមុខរបរ បើកកន្លែងកោសជប់ (មានស្រុកកំណើត ភូមិ វាល ឃុំ ចាម ស្រុក កំពង់ត្របែក ខេត្ត ព្រៃវែង។ វត្ថុតាងបន្សល់នៅកន្លែងកើតហេតុ៖ កាំបិតចិតបន្លែ០១ដើម,កាំបិតបុ័ងតោ០១។

លោក ម៉េង វិមានតារា បានបន្តទៀតថា នៅមុនពេលកើតហេតុជនសង្ស័យឈ្មោះ ទន់ ធាវី និង ជនរងគ្រោះឈ្មោះ សុខ សុឃិន ជាស្រ្តីមេម៉ាយមានកូនប្រុស០២នាក់ បានយកគ្នាជាប្តីប្រពន្ធ មកស្នាក់នៅផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌ មានជ័យ រាជធានីភ្នំពេញ ហើយពេលរស់នៅជាមួយគ្នាអ្នកទាំង០២ឧស្សាហ៍ឈ្លោះប្រកែកគ្នាក៏លែងលះ។

ក្រោយលែងលះគ្នាជនសង្ស័យបានចេញទៅរស់នៅផ្ទះជួល ភូមិត្នោតជ្រុំ៤ សង្កាត់ បឹងទំពុន លុះមកដល់ថ្ងៃកើតហេតុស្រាប់តែឮសំឡេងជនរងគ្រោះស្រែកឲ្យជួយចេញពីក្នុងផ្ទះ អ្នកជិតខាងបានចេញទៅមើលឃើញជនសង្ស័យឈ្មោះ ទន់ ធាវី កាន់កូនកាំបិតក្នុងដៃខ្លួនប្រឡាក់ឈាម រត់ចេញពីក្នុងផ្ទះតាមផ្លូវក្រោយគេចខ្លួនបាត់។

ចំណែកជនរងគ្រោះដេកស្លាប់ក្នុងផ្ទះ នៅក្បែរសពមានកាំបិតចិតបន្លែ០១ដើម,កាំបិតបុ័ងតោ០១ដើម។

លោកបានបន្តថា “ករណីនេះយើងបានធ្វើបានសហការជាមួយកម្លាំងការិយាល័យព្រហ្មទណ្ឌកំរិតធ្ងន់រាជធានីភ្នំពេញ ធ្វើការស្រាវជ្រាវរកជនសង្ស័យដើម្បីចាត់ការតាម នីតិវិធី”។ ដោយឡែកសពស្រ្តីរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី។

ភ្នំពេញ: ជម្លោះក្នងគ្រួសារបានបណ្តាលឲ្យស្រ្តីម្នាក់ ត្រូវបានប្តីចាក់សម្លាប់ដោយកាំបិតចុងស្រួច នៅវេលាម៉ោង១:១០នាទីយប់រំលងអាធ្រាត្រឈានចូលថ្ងៃទី១៦ ខែសីហា ឆ្នាំ២០១៦ ស្ថិតនៅចំណុចបន្ទប់ផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌមានជ័យ។

លោក ម៉េង វិមានតារា អធិការរងនគរបាលខណ្ឌមានជ័យ បានបញ្ជាក់ថា ជនសង្ស័យឈ្មោះ ទន់ ធាវី អាយុ៤៧ ឆ្នាំ ទីលំនៅផ្ទះជួល ផ្លូវលំភូមិ ត្នោតជ្រុំ៤ សង្កាត់ បឹងទំពុន ខណ្ឌមានជ័យ មុខរបរ រត់ម៉ូតូឌុប មានស្រុកកំណើត ភូមិបាលិលេយ្យ១ ឃុំ ដងឡង ស្រុកបាកាន ខេត្តពោធិសាត់ បាននិងកំពុងរត់គេចខ្លួន។ ដោយឡែកជរងគ្រោះឈ្មោះ សុខ សុឃិន អាយុ៤២ឆ្នាំ ស្នាក់នៅចំណុចកើតហេតុ មានមុខរបរ បើកកន្លែងកោសជប់ (មានស្រុកកំណើត ភូមិ វាល ឃុំ ចាម ស្រុក កំពង់ត្របែក ខេត្ត ព្រៃវែង។ វត្ថុតាងបន្សល់នៅកន្លែងកើតហេតុ៖ កាំបិតចិតបន្លែ០១ដើម,កាំបិតបុ័ងតោ០១។

លោក ម៉េង វិមានតារា បានបន្តទៀតថា នៅមុនពេលកើតហេតុជនសង្ស័យឈ្មោះ ទន់ ធាវី និង ជនរងគ្រោះឈ្មោះ សុខ សុឃិន ជាស្រ្តីមេម៉ាយមានកូនប្រុស០២នាក់ បានយកគ្នាជាប្តីប្រពន្ធ មកស្នាក់នៅផ្ទះជួលគ្មានលេខ ផ្លូវបេតុង ក្រុមទី០៩ ភូមិ ឬស្សី១ សង្កាត់ ស្ទឹងមានជ័យ ខណ្ឌ មានជ័យ រាជធានីភ្នំពេញ ហើយពេលរស់នៅជាមួយគ្នាអ្នកទាំង០២ឧស្សាហ៍ឈ្លោះប្រកែកគ្នាក៏លែងលះ។

ក្រោយលែងលះគ្នាជនសង្ស័យបានចេញទៅរស់នៅផ្ទះជួល ភូមិត្នោតជ្រុំ៤ សង្កាត់ បឹងទំពុន លុះមកដល់ថ្ងៃកើតហេតុស្រាប់តែឮសំឡេងជនរងគ្រោះស្រែកឲ្យជួយចេញពីក្នុងផ្ទះ អ្នកជិតខាងបានចេញទៅមើលឃើញជនសង្ស័យឈ្មោះ ទន់ ធាវី កាន់កូនកាំបិតក្នុងដៃខ្លួនប្រឡាក់ឈាម រត់ចេញពីក្នុងផ្ទះតាមផ្លូវក្រោយគេចខ្លួនបាត់។

ចំណែកជនរងគ្រោះដេកស្លាប់ក្នុងផ្ទះ នៅក្បែរសពមានកាំបិតចិតបន្លែ០១ដើម,កាំបិតបុ័ងតោ០១ដើម។

លោកបានបន្តថា “ករណីនេះយើងបានធ្វើបានសហការជាមួយកម្លាំងការិយាល័យព្រហ្មទណ្ឌកំរិតធ្ងន់រាជធានីភ្នំពេញ ធ្វើការស្រាវជ្រាវរកជនសង្ស័យដើម្បីចាត់ការតាម នីតិវិធី”។ ដោយឡែកសពស្រ្តីរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី។

ព្រះអើយ! ចោរម្នាក់គាំងបេះដូងស្លាប់ពេលកំពុងប្លន់ សង្ស័យចាញ់សម្រស់ស្រីស្អាត (មានវីដេអូ)

បរទេស៖ ចោរម្នាក់បានគម្រាមយកលុយកាក់ហើយនិងគ្រឿងអលង្ការ ពីអ្នកលក់ម្នាក់នៅហាងមួយកន្លែង នៅក្នុងប្រទេសប្រេស៊ីល ហើយបានទន់ជើងដួលនៅនឹងកន្លែង។ បុរសម្នាក់ដែលបានដួលរហូតដល់ស្លាប់នេះ គឺដោយសារតែជម្ងឺបេះដូងរបស់គាត់បានរើឡើង ក្នុងខណៈដែលកំពុងតែប្លន់នេះ។បើយោងតាមកាមេរ៉ាសុវត្ថិភាពដែលបានដាក់នៅកន្លែងកើតហេតុ បានបង្ហាញថា ជនល្មើសម្នាក់ បានដើរចូលទៅក្នុងហាងលក់គ្រឿងអលង្ការខាងលើ ហើយដើរទៅជិតបុគ្គលិកស្រីម្នាក់ ហើយកំពុងតែគម្រាមយកលុយកាក់ហើយនិងគ្រឿងអលង្គការក៏ស្រាប់តែទន់ក្បាលជង្គង់ដួល ទៅក្រោមតុតែម្តង ដែលបានធ្វើអោយបុគ្គលិកអ្នកលក់ស្រីផ្អើលឆឡោតែម្តង។

ទោះជាយ៉ាងណាក៏ដោយនេះគឺជាសំណាងរបស់ ហាងលក់គ្រឿងអាល្លង្គការខាងលើ ដែលមិនបានខាតបង់អ្វីនោះ ។ ហើយចោរដែលបានដួលពេលកំពុងប្លន់នេះ គ្រូពេទ្យបានប្រាប់ថា ស្លាប់ដោយសារតែជម្ងឺគាំងបេះដូង៕

សូមទស្សនាវីដេអូខាងក្រោម៖

​ឆ្ងល់​​មួយ​​​ភូមិ​ពេល​ជិតភ្លឺ​! ​​ព្រោះ​​រថភ្លើងស៊ីផ្លេ​​​​ផ្អើល

ខេត្តកំពត ៖ សេចក្តីរាយការណ៍​ឱ្យ​ដឹង​ថា បុរស​ម្នាក់​ឈ្មោះ​រៀល ស្នា អាយុ​៣០​ឆ្នាំ មាន​ទីលំនៅ​ក្នុងភូមិ​រំពើន ឃុំ​ស្តេច​គង់​ខាងលិច ស្រុក​បន្ទាយមាស ត្រូវ​រថភ្លើង​កិន​បណ្តាល​ឱ្យ​ដាច់​ដៃ​ដាច់​ជើង​ស្លាប់​យ៉ាង​អាណោចអាធ័ម​បំផុត កាលពី​វេលា​ម៉ោង​០៣​ទៀប​ភ្លឺ​ថ្ងៃ​ទី​១៧ សីហា ស្ថិត​នៅ​ចំណុច​ចន្លោះ​គីឡូម៉ែត្រ​លេខ​១២៣ ១២៤ ក្នុងភូមិ​ព្រៃ​តា​ព្រឹ​ត ឃុំ​ស្តេច​គង់​ខាងលិច ខេត្តកំពត ។

បើ​តាម​ការ​រៀបរាប់​របស់​ឪពុក​ជន​រង​គ្រោះ​ឱ្យ​ដឹង​ថា បុរស​ឈ្មោះ​រៀល ស្នា មាន​ប្រពន្ធ​នៅ​ខេត្តក្រចេះ​ឯណោះ ហើយ​ប្រពន្ធ​ទើបតែ​ឆ្លងទន្លេ​បាន​២០​ថ្ងៃ​ប៉ុណ្ណោះ ។ កូនប្រុស​គាត់​ចេញពីផ្ទះ​ទៅ​រក​ការងារ​ធ្វើ ប៉ុន្តែ​នៅ​យប់​មុន​ពេល​កើតហេតុ​ កូនប្រុស​គាត់​និយាយ​ប្រាប់​ថា ខ្លួន​រក​ការងារ​ធ្វើ​បាន ដោយ​ធ្វើការ​នៅ​ព្រឹក​ថ្ងៃ​ទី​១៧ សីហា នៅ​រោងចក្រ​ស៊ីម៉ង់ ។ លុះ​នៅ​យប់​ថ្ងៃ​ទី​១៦​សីហា នេះ ក៏​បាន​ផឹកស្រា​ជាមួយ​មិត្តភក្តិ​នៅ​ក្នុងភូមិ ហើយ​ក៏​ទាស់​ពាក្យ​សម្តី​ជាមួយ​ម្តាយ ដោយ​ជន​រង​គ្រោះ​បាន​បោក​អា​គុយ​បែក​អស់ និង​ទូរស័ព្ទ​ក៏​បែក​ខ្ចាត់ខ្ចាយ​នៅ​ក្រោមផ្ទះ ហើយ​ក៏​ដើរ​ចេញ​ទៅ​បាត់​ទាំង​យប់ ។ លុះ​ព្រឹក​ឡើង​គាត់​ទទួល​ដំណឹង​ថា ត្រូវ​រថភ្លើង​កិន​ស្លាប់​ទៅ​ហើយ ។

លោក​ង៉ែត វ៉ា​ត នាយ​នគរបាល​ប៉ុស្តិ៍​ស្តេច​គង់​ខាងលិច​បាន​ប្រាប់​ថា រថភ្លើង​គឺ​មាន​២​ខ្សែ ដែល​នៅ​ថ្ងៃ​ទី​១៦ សីហា មួយ​ខ្សែ​រត់​ម៉ោង​ប្រហែល​១០​យប់ និង​មួយ​ខ្សែ​ទៀត​រត់​ម៉ោង​៣​ទៀប​ភ្លឺ ។ ហើយ​គេ​ឮ​រថភ្លើង​១​ខ្សែ​រត់​ម៉ោង​៣​ទៀប​ភ្លឺ ពី​ភ្នំពេញ​-​ទៅ​កំពង់សោម ស៊ី​ផ្លេ​យ៉ាង​កងរំពង​ពេញ​ភូមិ ហើយ​រថភ្លើង​ខ្សែ​នោះ​ហើយ​ដែល​កិន​ជន​រង​គ្រោះ ស៊ី​ផ្លេ​មិន​ងើប ។ បន្ទាប់​ពី​ពិនិត្យ​សព​រួច​ហើយ ក្រុម​គ្រួសារ​ជន​រង​គ្រោះ​បាន​សែង​សព​មក​ធ្វើបុណ្យ​តាម​ប្រពៃណី​។

ចោរឆក់ខ្សែក ហ៊ានណាស់!!!!!!!

ពេលគេចាប់បានគេវ៉ៃ តាំងថាគេកាចហើយ
=============================
ព័ត៌មានទាន់ហេតុការណ៍៖ ចោរឆក់ខ្សែក ហ៊ានណាស់!!!!!!!
ខណៈនេះ នៅតាមបណ្តោយផ្លូវលេខ១៨២ ខាងលិចស្តុបទេពផន ទល់មុខសាលាខេមអេលីត ខណ្ឌទួលគោក មានករណីចោរឆក់កាបូប ស្រ្តី ២នាក់កំពុងជិះម៉ូតូ បណ្តាលឲ្យដួលម៉ូតូសន្លប់ស្តូកស្តឹង ទាំងពីរនាក់ ។
តាមសេចក្តីរាយការណ៍បឋមឲ្យដឹងថា ឥឡូវនេះ ជនរងគ្រោះម្នាក់បានដឹងខ្លួនហើយ ចំណែកម្នាក់ទៀតស្ថិតក្នុងសភាពធ្ងន់ធ្ងរនៅឡើយ ។

មោទនភាព! ​អក្សរខ្មែរ​បង្ហាញ​ខ្លួន​យ៉ាង​សង្ហារ​​ក្នុង​កីឡាដ្ឋាន​របស់​ក្រុម​បាល់ទាត់​ដ៏​ល្បី​ក្នុង​លោក​

នៅ​ថ្ងៃ​ទី​១៦​ ខែ​សីហា​ ឆ្នាំ​២០១៦​នេះ​ ក្រុមបាល់ទាត់​តោ​ខៀវ​ Chelsea​ បាន​បើក​ទ្វារផ្ទះ​កីឡដ្ឋាន​ Stamford Bridge ​ទទួល​ស្វាគមន៍​ភ្ញៀវ​ញញួរ​ដែក​ West​ Ham​ ហើយ​ការប្រកួត​បាន​បញ្ចប់​ដោយ​ក្រុម​ម្ចាស់ផ្ទះ​ទទួល​ជ័យជំនះ​ក្នុង​លទ្ធផល​២​ទល់​នឹង​១។​

ក្នុង​ការប្រកួត​នេះ​ អាច​និយាយ​បាន​ថា​នេះ​ជា​មោទនភាព​មួយ​សម្រាប់​ប្រទេស​កម្ពុជា​ គឺ​នៅ​ពេល​ការប្រកួត​បាន​បន្ត​រហូត​ដល់​អំឡុង​នាទី​ទី​៤៤​ នៅ​តាម​ស្លាក​ផ្សាយ​ពាណិជ្ជ​ជុំវិញ​ទីលាន​​ គឺ​ការ​ផ្សាយពាណិជ្ជកម្ម​ពី​ផលិតផល​ខារ៉ាប៉ាវ​ អក្សរ​ខ្មែរ​ក៏​បាន​បង្ហាញ​ខ្លួន​យ៉ាង​ស្រស់​សង្ហារ​ ជាមួយ​នឹង​ពាក្យ​ថា​ "ផលិតផល​លំដាប់​ថ្នាក់​ពិភពលោក​"​ និង​ "ក្លឹប​បាល់ទាត់​លំដាប់​ថ្នាក់​ពិភពលោក​”។​

មិត្ត​អ្នកអាន​អាច​ឃើញ​ទិដ្ឋភាព​នេះ​ នៅ​ក្នុង​វីដេអូ​ខាងក្រោម​ដូច្នេះ​សូម​ទស្សនា។​

រកឃើញរថក្រោះមួយគ្រឿងនៅក្នុងទឹកស្ទឹង ដែលលិចតាំងពីសម័យសង្រ្គាម

រថក្រោះមួយគ្រឿងត្រូវបានរកឃើញនៅក្នុងស្ទឹងមួយកន្លែងនៅក្នុងប្រទេសរុស្ស៊ីដែលគេស្គាល់ថាជាស្ទឹង ដន។ រថក្រោះនោះនេះគឺមានម៉ូដែល T-34-76 ដែលវាមានទម្ងន់រហូតដល់ទៅ 30 តោនឯណោះ ហើយវាបានលិចចូលទៅក្នុងទឹកស្ទឹងនៅជម្រៅ 7 ម៉ែត្រ ហើយវាគឺជាប្រភេទចុងក្រោយបំផុតដែលត្រូវបានបំផ្លាញនាក្នុងអំឡុងសង្គ្រាមលោក។


គេសន្និដ្ឋានថារថក្រោះនេះត្រូវបានផលិតនៅរោងចក្រសព្វាវុធ Stalingrad Tractor Plant នៃសហព័ន្ធរុស្សី។ចំពោះរថក្រោះប្រភេទនេះ គឺមិនមាននៅសេសសល់ច្រើនប៉ុន្មានទេ ដែលនេះគឺជាការរកឃើញដ៏អស្ចារ្យមួយដែលគួរអោយកត់សម្គាល់។
តាមការវិភាគគឺរថក្រោះនេះត្រូវបានធ្លាក់ចូលទៅក្នុងស្ទឹងនាពេលកំពុងដឹកជញ្ជួននៅចំហៀងផ្លូវម្ខាងទៀត នៅដើមទសវត្សរ៍ឆ្នាំ 1940 ។


គេក៏ប្រទះឃើញមានសំភារះមួយចំនួនទៀតដូចជា ពោងសំរាប់ហែលទឹក សំភារះដឹកជញ្ជួន និងធុងប្រេង ផងដែរ។តាមការ វិភាគបានអោយដឹងថារថក្រោះនេះ ទំនងជាបានធ្លាក់ ខណៈដែលកំពុងបើកបរឆ្លងកាត់ស្ពានបណ្តោះអាសន្នមួយ។

រថក្រោះនេះនឹងត្រូវបានគេជួសជុលហើយតំកល់ទុកនៅ ឧទ្យាន Patriot ស្ថិតនៅឯភាគខាងលិចនៃប្រទេសរុស្សី តែអ្នកជំនាញត្រូវធ្វើការសិក្សានិងពិនិត្យអោយបានច្បាស់ជាមុនសិន ថាតើមានសាកសពទាហាននៅក្នុងនោះដែរឬអត់៕

រាជបុត្រ សូរ្យកាយ្យ ចេញមុខសុំទោស ចន ច័ន្ទលក្ខិណា ព្រោះតែ…..

អាយ៉ៃឆ្លើយឆ្លង បានក្លាយជាសង្គ្រាមពាក្យសំដីរវាង ម្ចាស់គណនីឈ្មោះ រាជបុត្រ សូរ្យកាយ្យ ជាមួយនិងប្រធានសមាគមមិត្តសិល្បៈស្ម័គ្រចិត្តជួយសង្គម គឺអ្នកនាង ចន ច័ន្ទលក្ខិណា រហូតដល់មានការដាក់ពាក្យបណ្តឹង ទៅតាមច្បាប់ ធ្វើអោយមហាជនជាច្រើនមានការ ចាប់អារម្មណ៍យ៉ាងខ្លាំង។ ក្នុងនោះ រាជបុត្រ សូរ្យកាយ្យ បានប្រើពាក្យធ្ងន់ធ្ងរ និងអសីលធម៌មួយចំនួនមកលើ តារាសម្តែង ចន ច័ន្ទលក្ខិណា។


ប៉ុន្តែមកទល់នឹងពេលនេះ ម្ចាស់គណនីរូបនោះបានចេញមុខសុំទោស តារាស្រីជើងចាស់រូបនេះវិញ ដោយលើកឡើងថា៖ “ក្នុងនាមខ្ញុំជាកូនខ្មែរម្នាក់ខ្ញុំសុំចេញមុខជាសាធារណះ  ចំពោះកូនខ្មែរទូរទាំងប្រទេស ក៏ដូចជាបងស្រីចនច័ន្ទលក្ខិណាដែលខ្ញុំបានប្រើពាក្យអសីលធម៌ទៅកាន់គាត់ ខ្ញុំសុំទោសនេះមិនមែនខ្ញុំសុំអោយគាត់លើកលែងទោសរឺក៏ដកពាក្យបណ្តឹងអ្វីទាំងអស់ ខ្ញុំសុំទោសព្រោះខ្ញុំដឹងខ្លួនច្បាស់ថាខ្ញុំខុសប្រើពាក្យមិនសមរ្យ អ្វីដែលសំខាន់គឺក្នុងឃ្លីបនោះអត្ថន័យ ក៏ប៉ុន្តែខ្ញុំចង់បងស្រីយកពាក្យដាស់តឿនរបស់ខ្ញុំទាំងបុ៉ន្មាននោះទៅស្តាប់ផងរួចបងស្រីសួរខ្លួនឯងថាបងស្រីកំពុងធ្វើអី? អ្វីដែលបងធ្វើប៉ះពាល់ដល់សង្គមជាតិប៉ុណ្ណា?”


លោកបានបន្ថែមទៀតថា៖ “គ្មានអ្នកណានៅលើលោកនេះដែលមិនចេះខុសទេ សំខាន់គឺការកែប្រែ ។ ខ្ញុំសូមអរគុណកូនខ្មែរទាំងអស់គ្នាសំរាប់ការដាស់តឿនខ្ញុំអោយធ្វើអ្វីចេះគិត និងពិចារណា ហើយខ្ញុំសូមសន្យាចាប់ពីថ្ងៃនេះតទៅខ្ញុំនឹងរិះគន់សង្គមមួយនេះដោយភាពថ្លៃថ្នូរដោយមិនអោយកូនខ្មែរអស់សង្ឃឹមលើខ្ញុំឡើយ។ ខ្ញុំនឹងកែប្រែខ្លួនជាមនុស្សថ្មីម្នាក់ទៀត ដែលមិនធ្វើអោយកូនខ្មែរអ្នកគាំទ្រខ្ញុំអស់សង្ឃឹមមកលើខ្ញុំឡើយ ពាក្យមួយឃ្លាបានពោលថា បើមិនខុសក៏រកត្រូវមិនឃើញដែរ។” គេកំពុងរងចាំថា តើអ្នកនាង ចន ច័ន្ទលក្ខិណា មានប្រតិកម្មយ៉ាងណា ចំពោះការសុំទោសរបស់ រាជ្យបុត្រ សូរ្យកាយ្យ?

បុរស​ម្នាក់​វាយប្រហារ​ក្នុង​ទូរថភ្លើង​មួយ​នៅ​ស្វ៊ី​សរ​បួស​6​នាក់

ប៉ូ​លិ​ស​រាយការណ៍​ថា យុវជន​ស្វ៊ី​សម្នាក់​អាយុ​២៧​ឆ្នាំ​កាលពី​ថ្ងៃ​ទី​១៣ សីហា បាន​ដុត​ឱ្យ​មាន​ភ្លើង​ឆាបឆេះ​ក្នុង​ទូរថភ្លើង​មួយ រួច​ប្រើ​កាំបិត​ចាក់​ពួក​អ្នកដំណើរ​ក្នុង​រថភ្លើង​មួយ​ខ្សែ​នៅ​ភាគ​ឦសាន​ប្រទេស​ស្វ៊ី​ស បណ្តាល​ឱ្យ​មនុស្ស​៦​នាក់​រង​របួស ក្នុង​នោះ​មាន​កុមារ​ម្នាក់​អាយុ​៦​ឆ្នាំ​។

អំពើ​ហិង្សា​នេះ​កើត​មាន​នា​វេលា​រសៀល​ក្នុង​រថភ្លើង​មួយ ដែល​រត់​នៅ​តាម​បណ្តោយ​ព្រំដែន​ជាមួយ​ប្រទេស​លិច​តិច​ស្តា​ញ ។ ប៉ូលិស​តំបន់ SAINT GALL ក្នុង​សេចក្តី​ប្រកាស​មួយ​បញ្ជាក់​ថា ជន​វាយប្រហារ​ក៏​រង​របួស​ដែរ ។ រដ្ឋ​អាជ្ញា​ក្រុង SAINT-GALL បាន​បើក​ការ​ស៊ើបអង្កេត​មួយ​ពី​បទឧក្រិដ្ឋ​ទាក់ទិន​រឿង​នេះ ។

ប៉ូលិស​និយាយ​ថា បុរស​ជនជាតិ​ស្វ៊ី​ស​អាយុ​២៧​ឆ្នាំ​រូប​នេះ បាន​ចាក់​វត្ថុ​រាវ ដែល​ងាយ​ឆេះ​ហើយ​ដុត រួច​រូបគេ​កាន់​កាំបិត​មួយទៀត​ផង ។ អ្នកដំណើរ​៦​នាក់​ដែល​របួស ព្រមទាំង​ជន​វាយប្រហារ​ត្រូវ​បញ្ជូន​ទៅ​មន្ទីរពេទ្យ​ដោយសារ​ការ​រលាកភ្លើង ឬ​ដោយសារ​ការ​ចាក់ ។

ការ​វាយប្រហារ​នេះ​កើត​មាន​ខណៈ​បរិយាកាស​មាន​ភាព​តានតឹង​ខ្លាំង​នៅ​អឺរ៉ុប មក​ពីរ​លក​នៃ​ការ​វាយប្រហារ​ភេរវកម្ម​រយៈពេល​ប៉ុន្មាន​ខែ​ចុង​ក្រោយ​នេះ ។ ការ​វាយប្រហារ​ទាំងនេះ​ភាគច្រើន​ប្រកាស​ទទួលខុសត្រូវ​ដោយ​ក្រុម​រដ្ឋ​អ៊ិ​ស្លា​ម ៕

ដាក់​ពង្រាយ​រថក្រោះ មី​ស៊ី​ល និង​កងទ័ព ពេល​ផ្ទុះ​ភាព​តានតឹង​ជា​ថ្មី​រវាង​រុ​ស្ស៊ី និង​អ៊ុយ​ក្រែ​ន

ចាប់តាំងពី​ច្រើន​ថ្ងៃ​មក​ហើយ ឧបទ្វីប​គ្រី​មេ​ដែល​បញ្ចូល​ទៅ​ក្នុង​ដែនដី​រុ​ស្ស៊ី​កាលពី​ឆ្នាំ​២០១៤ ក្លាយជា​កម្មវត្ថុ​នៃ​ការ​កើនឡើង​ភ្លាម​ៗ​នៃ​ភាព​តានតឹង​យ៉ាង​ខ្លាំង​រវាង​អ៊ុយ​ក្រែ​ន និង​រុ​ស្ស៊ី​។

ភាព​តានតឹង​នេះ​មាន​កាន់តែ ខ្លាំង​ឡើង​កាលពី​ថ្ងៃ​ទី​១២ សីហា ជាមួយ​ការ​ប្រកាស​របស់​ក្រុង​មូ​ស្គូ ពី​ការ​ដាក់​ពង្រាយ​ប្រព័ន្ធ​ការពារ​អាកាស និង​ប្រឆាំង​មី​ស៊ី​ល​ជំនាន់​ថ្មី S-400 នៅ​តាម​ព្រំដែន​ជាមួយ​អ៊ុយ​ក្រែ​ន ។

ប្រទេស​រុ​ស្ស៊ី​បាន​ចោទប្រកាន់​អ៊ុយ​ក្រែ​ន​ថា ចង់​បង្ក​អ​ស្ថេ​រ​ភាព​នៅ​តំបន់​គ្រី​មេ ដោយ​បញ្ជូន​មក​កាន់​ទីនោះ​នូវ​ក្រុម​ប្រដាប់​អាវុធ​នានា តែ​ក្រុង​គៀវ​បាន​បដិសេធ ។ សហគមន៍​អន្តរជាតិ​អំពាវនាវ​ដល់​ប្រទេស​ទាំង​២​ឱ្យ​ចៀសវាង​ការ​បង្កើន​ភាព​តានតឹង​ដោយ​ខ្លាច​ជម្លោះ​អ៊ុយ​ក្រែ​ន​ផ្ទុះ​ឡើង​វិញ ។

ភ្នាក់ងារ​សម្ងាត់​រុ​ស្ស៊ី FSB អះអាង​កាលពី​ថ្ងៃ​ទី​១០ សីហា ពី​ការ​ចាប់ខ្លួន​ពួក​ភេរវ​ករ​អ៊ុយ​ក្រែ​ន​ជា​ច្រើន​នាក់​ដែល​ទទួល​បន្ទុក​ធ្វើការ​វាយប្រហារ​ភេ​វ​កម្ម​នានា ក្រោយ​ការ​ប៉ះទង្គិច​គ្នា​ដោយ​អាវុធ​ទាំងឡាយ ដែល​បណ្តាល​ឱ្យ​ខាង​រុ​ស្ស៊ី​ស្លាប់​២​នាក់ ។ ភ្លាម​ៗ​ប្រធានាធិបតី​រុ​ស្ស៊ី​លោក​វ្ល៉ា​ឌី​មៀរ ពូ​ទី​ន បាន​ចោទប្រកាន់​អាជ្ញាធរ​អ៊ុយ​ក្រែ​ន​ថា ឈាន​ទៅ​ប្រើ​ភេរវកម្ម​ក្នុង​គោលបំណង​បង្ក​ស្ថេ​រ​ភាព​នៅ​តំបន់​គ្រី​មេ ។

ក្រុង​គៀវ​បាន​បដិសេធ​ការ​ចោទប្រកាន់​ទាំងនេះ​ដោយ​វាយតម្លៃ​ថា ជា​លេស​សម្រាប់​ធ្វើការ​គំរាមកំហែង​ខាង​យោធា​ថ្មី​ៗ ។ កងទ័ព​អ៊ុយ​ក្រែ​ន​ស្ថិត​ក្នុង​ការ​ប្រុង​ជើងការ​តាម​បណ្តោយ​ព្រំដែន​ជាមួយ​គ្រី​មេ និង​ភាគ​ខាងកើត​ប្រទេស​ជា​កន្លែង​មានការ​ប៉ះទង្គិច​គ្នា​ជាប់​ជាមួយ​ពួក​បំបែក​ខ្លួន​ស្និទ្ធ​រុ​ស្ស៊ី ដែល​បណ្តាល​ឱ្យ​មនុស្ស​ស្លាប់​ជាង​៩.៥០០​នាក់ ហើយ​ចាប់តាំងពី​ខែមេសា ឆ្នាំ​២០១៤​មក ។ ទូរទស្សន៍​រុ​ស្ស៊ី​ផ្សាយ​រូបភាព​ទាំងឡាយ​នៃ​គ្រឿងផ្ទុះ​ដែល​ចាប់​បាន និង​បុរស​ម្នាក់​ដែល​ចាត់ទុកជា​ភ្នាក់ងារ​សំខាន់​ម្នាក់​របស់​អ៊ុយ​ក្រែ​ន​ដែល​ចាប់​បាន ។ ក្រុង​គៀវ​អះអាង​ថា ជន​នេះ​ត្រូវ​គេ​ចាប់ពង្រត់​នៅ​អ៊ុយ​ក្រែ​ន ហើយ​រឿងហេតុ​ដែល​កើត​មាន​ព្រោះ​មក​ពី​ពួក​ទាហាន​រុ​ស្ស៊ី​ដែល​ស្រវឹង​ហើយ​ផ្ទុះ​កាំភ្លើង ។

ក្រសួង​ការពារ​ប្រទេស​អ៊ុយ​ក្រែ​ន​បាន​បដិសេធ​ព័ត៌មាន​ដែល​ថា ពួក​អ្នក​ជាប់​ឃុំឃាំង​សង្ស័យ​រៀបចំ​ផែនការ​វាយប្រហារ​ភេរវកម្ម​នៅ​គ្រី​មេ​ជា​និយោជិត​នៃ​ការិយាល័យ​ស៊ើប​ការណ៍​នៃ​ក្រសួង​ការពារ​ប្រទេស​អ៊ុយ​ក្រែ​ន ។

ប្រភព​មួយ​របស់​ក្រសួង​នេះ​រាយការណ៍​ថា កង​វរ​សេនារ​តូច​ទី​៣៧ និង​កងពលតូច​ទី​៥៦​ពុំ​មែន​ស្ថិត​ក្នុង​ការិយាល័យ​ស៊ើបការណ៍​ឡើយ ។ ដូច្នេះ​ពួក​អ្នក​ជាប់​ឃុំឃាំង​ទាំងនេះ​ពុំ​មែន​ជា​និយោជិត​ក្រសួង​ការពារ​ប្រទេស​អ៊ុយ​ក្រែ​ន​ទេ ។

ទោះបី​យ៉ាងណា យោង​តាម​ពួក​អ្នក​ចាប់​បាន​ថា ក្រុម​ភេរវ​ករ​ដែល​រក​ឃើញ​នៅ​ជុំវិញ​ទីក្រុង ARMIANSK តំបន់​គ្រី​មេ រួម​មាន​មេបញ្ជាការ​ផ្នែក​ស៊ើបការណ៍​របស់​កងវរសេនាតូច​លេខ​៣៧ នៃ​កងពលតូច​លេខ​៥៦ ចំណុះ​ឱ្យ​ការិយាល័យ​ស៊ើបការណ៍​នៃ​ក្រសួងការពារជាតិ​អ៊ុយ​ក្រែ​ន​លោក ALEXEI SANDOUL នាយទាហាន​លោក OLEG DMITRIENKO​ និង​ទាហាន​ល្បាត ALEXANDER KIRILLOV ព្រមទាំង EVGUENI PANOV ដែល​ទទួល​ការ​ចោទប្រកាន់​រួច​ហើយ ។ មេបញ្ជាការ​រូប​នេះ​ជា អ្នកសម្រប​សម្រួល​​របស់​ក្រុម​ដែល​អះអាង​ថា ខ្លួន​ចូល​និវត្តន៍​រួច​ហើយ ។ ទទួល​ការ​បណ្តុះបណ្តាល​នៅ​ទីក្រុង​គៀវ មនុស្ស​ទាំងនេះ​បាន​មក​កាន់​គ្រី​មេ កាលពីដើម​ខែសីហា ដើម្បី​កំណត់​គោលដៅ​វាយប្រហារ ។ រួច​នា​យប់​ថ្ងៃ​ទី​៧ មក​៨ សីហា បណ្តា​កងឯកភាព​ពិសេស​នៃ​ក្រសួងការពារជាតិ​អ៊ុយ​ក្រែ​ន​បាន​លុក​ចូល​ឧបទ្វីប​គ្រី​មេ តែ​ការ​វាយប្រហារ​នេះ​ត្រូវ​កម្ទេច ។ ទាហាន​រុ​ស្ស៊ី​២​នាក់​ស្លាប់​ក្នុង​ការ​ប៉ះទង្គិច​គ្នា ។

ចំណែក​នាយក​រដ្ឋមន្ត្រី​រុ​ស្ស៊ី លោក​ឌី​មី​ទ្រី ម៉េ​ដ​វេ​ដេ​វ ថ្លែង​នា​ថ្ងៃ​ទី​១២ សីហា ថា ប្រធានាធិបតី​រុ​ស្ស៊ី​នឹង​អាច​សម្រេច​កាត់​ផ្តាច់ទំនាក់ទំនង​ការទូត​ជាមួយ​អ៊ុយ​ក្រែ​ន​ដោយ​គ្មាន​ការ​ជ្រើសរើស​ណា​ផ្សេង​ទៀត ៕

ប៉ូលិស​ថៃ​រក​ឃើញ​គ្រាប់បែក​មិន​ទាន់​ផ្ទុះ​នានា​នៅ​ទីតាំង​ទេសចរណ៍​សំខាន់​3

​ប៉ូលិស​ថៃ​បាន​រក​ឃើញ​កាលពី​ថ្ងៃ​ទី​១៣ និង​១៤ សីហា នូវ​គ្រាប់បែក​នានា​ដែល​មិន​ទាន់​ផ្ទុះ​ក្នុង​ទីតាំង​ទេសចរណ៍​សំខាន់​៣ ខណៈ​កំពុង​ស្រាវជ្រាវ​រក​តម្រុយ​ក្រោយ​ការ​ផ្ទុះ​ទាំងឡាយ​នា​ពេល​ថ្មី​ៗ​នេះ ដែល​បណ្តាល​ឱ្យ​មនុស្ស​ស្លាប់​៤​នាក់ ។

ក្រសួងមហាផ្ទៃ​ថៃ​គូសបញ្ជាក់​ថា គ្រាប់បែក​ទាំងនេះ​ត្រូវ​បាន​រក​ឃើញ ហើយ​នាំ​យក​ចេញ​កាលពី​ថ្ងៃ​ទី​១៤ សីហា ក្នុង​ទីតាំង​ទេសចរណ៍​២ ដែល​រង​ការ​ប៉ះពាល់​ដោយសារ​ការ​ផ្ទុះ​គឺ​ទីតាំង​កម្សាន្ត​មាត់សមុទ្រ​ហ៊ួ​ហ៊ី​ន និង​កោះ​ភូ​កេ​ត ។

អ្នក​ទទួលខុសត្រូវ​ប៉ូលិស​ម្នាក់ លោក GRISADA BOONRACH ថ្លែង​ថា គ្រាប់បែក​ទាំងនេះ​ហាក់ដូចជា​គេ​ចង់​ដាក់​ឱ្យ​ផ្ទុះ​ក្នុង​ពេល​ជាមួយ​គ្នា​ការ​ផ្ទុះ​ទាំងឡាយ​នា​លើក​មុន​នេះ។

យោង​តាម​ប៉ូលិស​ថា គ្រាប់បែក​ឯទៀត​ៗ រក​ឃើញ​នា​ថ្ងៃ​ទី​១៣ សីហា ក្នុង​ខេត្ត​ផាង​ង៉ា ដែល​នា​ថ្ងៃមុន​នេះ មានការ​ផ្ទុះ​នានា និង​អគ្គិភ័យ​មក​ពី​គេ​លួច​ដុត ។

សរុប​រវាង​ថ្ងៃ​ទី​១១ មក​ទី​១២ សីហា មាន​គ្រាប់បែក​ដល់​ទៅ​១១​គ្រាប់​បាន​ផ្ទុះ​នៅ​ក្នុង​ខេត្ត​៥​ភាគ​ខាងត្បូង​ថៃ បណ្តាល​ឱ្យ​មនុស្ស​ស្លាប់​៤​នាក់​ក្នុង​ប្រទេស ដែល​មាន​អ្នកទេសចរ​និយម​ទៅ​នោះ ។ ក្នុង​ចំណោម​អ្នក​របួស​មាន​អ្នកទេសចរ​បរទេស​១០​នាក់ ។ មនុស្ស​៣​នាក់​ត្រូវ​បាន​ចាប់ខ្លួន​សួរ​ចម្លើយ​កាលពី​ថ្ងៃ​ទី​១៤ សីហា ក្នុង​ក្រប​ខណ្ឌ​នៃ​ការ​ស៊ើប​អង្កេត។

អ្នកវិភាគ​មួយ​ចំនួន​និយាយ​ថា ការ​វាយប្រហារ​ដោយ​គ្រាប់បែក​ទាំងនេះ​អាច​ជា​ស្នាដៃ​របស់​ពួក​ឧទ្ទាម​អ៊ិ​ស្លា​ម​នៅ​ភាគ​ខាងត្បូង​ថៃ ក៏​ប៉ុន្តែ​អាជ្ញាធរ​បាន​បដិសេធ​ការ​យល់​ឃើញ​បែប​នេះ ៕

ការ​វាយប្រហារ​តាម​អាកាស​លើ​តំបន់​ត្រួតត្រា​ដោយ​ពួក​ឧទ្ទាម​នៅ​ភាគ​ខាងជើង​ស៊ី​រី​ស្លាប់​ជិត​70​នាក់

របប​ស៊ី​រី និង​សម្ព័ន្ធមិត្ត​រុ​ស្ស៊ី​បាន​បង្កើន​ការ​វាយប្រហារ​តាម​អាកាស​លើ​តំបន់​នានា​កាន់កាប់​ដោយ​ពួក​ឧទ្ទាម​នៅ​ភាគ​ខាងជើង​ប្រទេស ដោយ​សម្លាប់​ជន​ស៊ី​វិល​ជិត​៧០​នាក់ រយៈពេល​២៤​ម៉ោង​ចុង​ក្រោយ​នេះ ពិសេស​នៅ​ក្រុង​អា​ឡែ​ប ។

លើ​រណសិរ្ស​តស៊ូ​ប្រឆាំង​ពួក​ជី​ហា​ដ​ក្រុម​រដ្ឋ​អ៊ិ​ស្លា​ម កងកម្លាំង​ប្រជាធិបតេយ្យ​ស៊ី​រី FDS គាំទ្រ​ដោយ​សហរដ្ឋ​អា​មេ​រិ​កបាន​ប្រកាស​ពី​ការ​ប្រយុទ្ធ​នៅ AL-BAB បន្ទាប់​ពី​វាយ​ដណ្តើម​យក​បាន​ទីតាំង​យុទ្ធសាស្ត្រ MINBEJ ពី​ពួក​ជី​ហា​ដ ។

ជា​ចំណុច​សំខាន់​នៃ​សង្គ្រាម​ដែល​បំផ្លិចបំផ្លាញ​ប្រទេស​ស៊ី​រី​ចាប់តាំងពី​ជាង​៥​ឆ្នាំ​មក​ហើយ ទីក្រុង​អា​ឡែ​ប​ត្រូវ​បាន​ពុះ​បំបែក​ជា​២ គឺ​បណ្តា​សង្កាត់​នៅ​ភាគ​ខាងកើត​ក្រុង​កាន់កាប់​ដោយ​ពួក​ឧទ្ទាម និង​បណ្តា​សង្កាត់​ភាគ​ខាងលិច​កាន់កាប់​ដោយ​របប​ក្រុង​ដា​ម៉ាស់ ។ ពួក​ឧទ្ទាម​កាលពី​ថ្ងៃ​ទី​៦ សីហា វាយ​ដណ្តើម​យក​បាន​សង្កាត់​រដ្ឋាភិបាល RAMOUSSA ដែល​អាច​ឱ្យ​ពួក​គេ​បំបែក​ការ​ឡោម​ព័ទ្ធ​តំបន់​ត្រួតត្រា​របស់​ពួក​ឧទ្ទាម​នៃ​ទីក្រុង​នេះ ។ ភាគី​ទាំង​២​សុទ្ធតែ​បន្ថែម​កម្លាំង ហើយ​ត្រៀមប្រយុទ្ធ​ដណ្តើម​យក​ទីក្រុង​ធំ​ទី​២​នេះ​របស់​ប្រទេស​ទាំងមូល ។ ការ​ប្រយុទ្ធ​គ្នា​នានា​ប្រមូលផ្តុំ​នៅ​ភាគ​ខាងត្បូង និង​ភាគ​អាគ្នេយ៍​ក្រុង​អា​ឡែ​ប ក៏​ប៉ុន្តែ​នា​ថ្ងៃ​ទី​១៤ សីហា ពួក​ឧទ្ទាម​ប្រកាស​ពី​ការ​វាយប្រហារ​ថ្មី​ប្រឆាំង​សង្កាត់​រដ្ឋាភិបាល ZAHRA ជាយក្រុង​ភាគ​ខាងលិច ។

អង្គការសិទ្ធិមនុស្ស​ស៊ី​រី OSDH មាន​ប្រភព​ព័ត៌មាន​ច្រើន​ក្នុង​ប្រទេស ព្រមទាំង​ពួក​ឧទ្ទាម​រាយការណ៍​ពី​ការ​វាយប្រហារ​បំផ្ទុះ​រថយន្ត​មួយ​ក្នុង​សង្កាត់​នេះ ។ ចំណែក​កងទ័ព​រដ្ឋាភិបាល​គាំទ្រ​ដោយ​ពួក​យុទ្ធ​ជន​អុ​ី​រ៉​ង់ និង​ហេ​ស​ប៊ុល​ឡា​ហ៍​លី​បង់​កំពុង​ប្រឈម​មុខ​គ្នា នឹង​ក្រុម​សម្ព័ន្ធភាព​ឧទ្ទាម គឺ​ពួក​ឧទ្ទាម​និយម​កណ្តាល និង​ពួក​ជី​ហា​ដ​ក្រុម​រណសិរ្ស FRONT FATEH AL-CHAM (​អតីត​ក្រុម​រណសិរ្ស​អាល់​ណូ​ស្ត្រា ដែល​ប្រកាស​ផ្តាច់ខ្លួន​ពី​អាល់​កៃ​ដា​) ។

កងទ័ពអាកាស​ស៊ី​រី និង​សម្ព័ន្ធមិត្ត​រុ​ស្ស៊ី​រយៈពេល​២៤​ម៉ោង​ចុង​ក្រោយ​នេះ​បាន​វាយប្រហារ​តំបន់​នានា​របស់​ពួក​ឧទ្ទាម​នៅ​ក្រុង​អា​ឡែ​ប និង​នៅ​ខេត្ត​អីុដ​លី​ប​ជិតខាង​ដែល​កាន់​កាប់​​ដោយ​ពួក​ឧទ្ទាម​ជី​ហា​ដ​ពី​ឆ្នាំ​២០១៥​មក ។ យោង​តាម OSDH ថា ជន​ស៊ី​វិល​យ៉ាងតិច​៤៥​នាក់​ស្លាប់​ក្នុង​តំបន់​ពួក​ឧទ្ទាម​នៃ​ក្រុង​អា​ឡែ​ប និង​ក្នុង​ខេត្ត​មានឈ្មោះ​ដូច​គ្នា​នេះ ខណៈ​ជន​ស៊ី​វិល​២២​នាក់​ទៀត ស្លាប់​នៅ​ទីក្រុង​អីុ​ដ​លី​ប និង​ខេត្ត​មានឈ្មោះ​ដូច​គ្នា​ដោយសារ​ការ​ទម្លាប់​គ្រាប់បែក​យ៉ាង​ខ្លាំងក្លា ដែល​នៅ​បន្ត​នា​ថ្ងៃ​ទី​១៤ សីហា ។

ម្យ៉ាងវិញទៀត OSDH រាយការណ៍​កាលពី​យប់​ថ្ងៃ​ទី​១៤ សីហា ថា ពួក​ឧទ្ទាម​យ៉ាងតិច​១៥​នាក់​ស្លាប់ និង​២០​នាក់​ទៀត​របួសធ្ងន់ ក្នុង​ការ​វាយប្រហារ​អត្តឃាត​ក្បែរ​រថយន្ត​បឺស​មួយ​គ្រឿង ដែល​ដឹក​ពួក​គេ​នៅ​ក្បែរ​ព្រំដែន​តួ​ក​គី ក្នុង​ខេត្ត​អីុ​ដ​លី​ប ។

យោង​តាម AFP ថា ការ​វាយប្រហារ​តាម​អាកាស​យ៉ាង​ខ្លាំងក្លា​សំដៅលើ​សង្កាត់ RAMOUSSA ចាប់តាំងពី​ពួក​ឧទ្ទាម​វាយ​យក​បាន​កាលពី​មួ​យស​ប្តា​ហ៍​មុន​មក ។ រួច​នា​យប់​ថ្ងៃ​ទី​១៤ សីហា ពួក​បះបោរ​បាន​ធ្វើការ​វាយប្រហារ​យ៉ាង​ខ្លាំងក្លា​ប្រឆាំង​តំបន់​រោងចក្រ​ស៊ីម៉ង់ត៍ CHEIKH SAID ស្ថិត​នៅ​ភាគ​អាគ្នេយ៍​សង្កាត់ RAMOUSSA ដែល​ក្លាយជា​បន្ទាយ​យោធា​របស់​របប​ក្រុង​ដា​ម៉ាស់ ។ ពួក​គេ​ចង់​ពង្រឹង​ទីតាំង និង​ការពារ​សន្តិសុខ​ផ្លូវ​ផ្គត់ផ្គង់​ដែល​ទើប​វាយ​បើក​បាន​វិញ ។ OSDH ក៏​រាយការណ៍​ម្យ៉ាងទៀត​ពី​ជន​ស៊ី​វិល​ស្លាប់​៩​នាក់ នៅ​ភាគ​ខាងលិច​ក្រុង​អា​ឡែ​ប​ដោយសារ​ការ​បាញ់​ផ្លោង​របស់​ពួក​ឧទ្ទាម ៕

កងទ័ព​កូរ៉េ​ខាងត្បូង​បង្កើន​ចំនួន​មី​ស៊ី​ល​HYUNMOO

យោង​តាម YONHAP ថា ប្រភព​ព័ត៌មាន​រដ្ឋាភិបាល​រាយការណ៍​កាលពី​ថ្ងៃ​ទី​១៤ សីហា ថា កងទ័ព​កូរ៉េ​ខាងត្បូង​បាន​បង្កើត​យ៉ាងច្រើន​នូវ​ចំនួន​មី​ស៊ី​ល HYUNMOO ដើម្បី​អាច​ប្រឈម​មុខ​កាន់តែ​ប្រសើរ​ចំពោះ​ការ​គំរាមកំហែង​នុយក្លេអ៊ែរ និង​បាលី​ស្ទិ​ក​របស់​កូរ៉េ​ខាងជើង ។

ប្រភព​នេះ​រៀបរាប់​ថា កងទ័ព​បាន​រៀបចំ​ផែនការ​មួយ ដើម្បី​អាច​កម្ទេច​ដំណាលគ្នា​ពេល​មាន​វិបត្តិ​បណ្តា​មូលដ្ឋាន​មី​ស៊ី​ល​បាលី​ស្ទិ​ក​របស់​កូរ៉េ​ខាងជើង ។

មន្ត្រី​ម្នាក់​គូសបញ្ជាក់​ថា ដើម្បី​បំពេញ​ផែនការ​នេះ កូរ៉េ​ខាងត្បូង​ត្រូវការ​មី​ស៊ី​ល​បាលី​ស្ទិ​ក​កាន់តែ​ច្រើន​ថែម​ទៀត ។ មន្ត្រី​នេះ​បន្ត​ថា ការ​ទទួល​បាន​ថែម​ទៀត បណ្តា​មី​ស៊ី​ល​បាលី​ស្ទិ​ក​រយៈ​ខ្លី HYUNMOO 2A និង​ដែល​អាច​បាញ់​បាន​ចម្ងាយ​៣០០​គីឡូម៉ែត្រ​និង HYUNMOO 2B អាច​បាញ់​បាន​ចម្ងាយ​៥០០​គីឡូម៉ែត្រ ព្រមទាំង​មី​ស៊ី​ល HYUNMOO 3 អាច​បាញ់​បាន​ចម្ងាយ​១.០០០​គីឡូម៉ែត្រ នឹង​អាច​ជួយ​ដល់​ក្រុង​សេ​អ៊ូ​ល​កម្ទេច​ការ​គំរាមកំហែង​បាលី​ស្ទិ​ក​របស់​ក្រុង​ព្យុ​ង​យ៉ាង ។ បណ្តា​មី​ស៊ី​ល​របស់​កូរ៉េ​ខាងត្បូង​ជា​ទូទៅ​មាន​រយៈ​ខ្លី​គឺ​បាញ់​បាន​ជិត ក៏​ប៉ុន្តែ​បាញ់​ត្រង់​គោលដៅ​ជា​បណ្តា​មី​ស៊ី​ល​របស់​កូរ៉េ​ខាងជើង ។ ជាមួយ​គម្រោង​ផលិត​ប្រព័ន្ធ​ការពារ​ប្រឆាំង​មី​ស៊ី​ល KAMD (KOREA AIR AND MISSILE DEFENSE ) និង​ប្រព័ន្ធ «KILL CHAIN» សម្រាប់​ចាប់ កំណត់​អត្តសញ្ញាណ​មី​ស៊ី​ល និង​ស្ទាក់​កម្ទេច​មី​ស៊ី​ល អាច​ឱ្យ​ក្រុង​សេ​អ៊ូ​ល​រារាំង​ការ​គំរាមកំហែង​នានា​របស់​កូរ៉េ​ខាងជើង ។

កងទ័ព​កូរ៉េ​ខាងជើង​កំណត់​ឃើញ​ខ្សែក្រវាត់​មី​ស៊ី​ល​កូរ៉េ​ខាងជើង​ចំនួន​៣​។ ខ្សែក្រវាត់​មួយ​ស្ថិត​នៅ​ចម្ងាយ​ប្រមាណ​ជា​ពី​៥០​ទៅ​៩០​គីឡូម៉ែត្រ​ខាងជើង​តំបន់​ខ្សែបន្ទាត់​ព្រំដែន ។ ខ្សែក្រវាត់​នេះ​មាន​មី​ស៊ី​ល​ធុន SCUD ពី​៥០០​ទៅ​៦០០​គ្រាប់ ដែល​អាច​បាញ់​មាន​ចម្ងាយ​ពី​៣០០​ទៅ​៧០០​គីឡូម៉ែត្រ ។ ខ្សែក្រវាត់​ទី​២​ស្ថិត​នៅ​ចម្ងាយ​ពី​៩០​ទៅ​១២០​គីឡូម៉ែត្រ ខាងជើង​ខ្សែបន្ទាត់​ព្រំដែន​ដែល​មាន​មី​ស៊ី​ល​ធុន RODONG រយៈ​មធ្យម​ពី​២០​ទៅ​៣០០​គ្រាប់ ។ ចំណែក​ខ្សែក្រវាត់​ទី​៣ ស្ថិត​នៅ​ជ្រៅ ក្នុង​ប្រទេស​មាន​មី​ស៊ី​ល​បាលី​ស្ទិ​ក​រយៈ​មធ្យម​ពី​៣០​ទៅ​៥០​គ្រាប់ ហើយ​ព័ត៌មាន​ចុង​ក្រោយ​ទាំងឡាយ​គូសបញ្ជាក់​ពី​ការ​ដាក់​ពង្រាយ​បណ្តា​មី​ស៊ី​ល​បាលី​ស្ទិ​ក​រំលង​ទ្វីប KN-08 ។ មី​ស៊ី​ល​បាលី​ស្ទិ​ក​រំលង​ទ្វីប​នេះ​អាច​បាញ់​ដល់​បណ្តា​មូលដ្ឋាន​អា​េ​ម​រិ​ក​នៅ​មហាសមុទ្រ​ប៉ា​ស៊ី​ហ្វិ​ក ក្នុង​នោះ​មាន​មូលដ្ឋាន​យោធា​នៅ​កោះ​ហ្គា​ម​ជាដើម ៕

បញ្ញត្តិ​មួយ​ចំនួន​លើ​ការ​បើកបរ​រថយន្ត​គួរ​ឱ្យ​អស់សំណើច

អ្នកបើកបរ​រថយន្ត​អាច​ស្លៀក​តែ​ខោខ្លី​បាន​, ស្រី​ៗ​អត់​សិទ្ធិ​បើកបរ​រថយន្ត​,​មិន​ត្រូវ​ទុក​ឱ្យ​រថយន្ត​កខ្វក់​ពេក​,​ហាម​ប្រើ​ខោខ្លី​ដុស​សម្អាត​រថយន្ត ,​អ្នកបើកបរ​រថយន្ត​គ្មាន​សិទ្ធិ​ហូប​ចុក​តាម​ផ្លូវ​(​ទោះ​ផឹកទឹក​ក្រឡុក​មិន​អនុញ្ញាត​)...​ទាំងនេះ​ជា​បញ្ញត្តិ​មួយ​ចំនួន​ចំពោះ​អ្នក​បើករថយន្ត​ទៅ​ប្រទេស ខុស​ៗ​គ្នា​លើ​លោក ។

សហរដ្ឋអាមេរិក ៖ អា​មេ​រិ​ក​នៅ​តែ​ប្រកាន់​យក​បញ្ញត្តិ​មួយ​ចំនួន​ចំពោះ​អ្នកបើកបរ​រថយន្ត ដែល​ស្ដាប់​ទៅ​គួរ​ឱ្យ​អស់សំណើច​, ដូច​យ៉ាង​អ្នកបើកបរ​រថយន្ត​មិន​ត្រូវ​ឈប់​រថយន្ត​ដើម្បី​រក​កន្លែង​បត់ជើងតូច ពេល​កំពុង​ធ្វើ​ដំណើរ​លើ​ផ្លូវ​ហា​យ​វ៉េ​,​ហាម​ស៊ីសាច់​សត្វ​ដែល​ត្រូវ​រថយន្ត​បុក​ស្លាប់​លើ​ផ្លូវ ,​ហាម​ប្រើ​ខោខ្លី​ដុស​សម្អាត​រថយន្ត ។

កោះ​ស៊ី ៖ ច្បាប់​បើកបរ​រថយន្ត​ប្រទេស​ដែន​កោះ​មួយ​នេះ ហាម​អ្នកបើកបរ​ហុប​ចុក​ពេល​កំពុង​ធ្វើ​ដំណើរ សូ​ម្បី​ផឹកទឹក​ក្រឡុក​ក៏​មិន​បាន​ដែរ ។ ដូច្នេះ​រដូវក្ដៅ , យក​ល្អ​ត្រូវ​ផឹកទឹក​ឱ្យ​ច្រើន​មុន​ពេល​ឡើង​ទៅ​កាន់​ដៃចង្កូត​បញ្ជា​រថយន្ត​។ អ្នកបើកបរ​រូប​ណា​ហ៊ាន​បំពាន​បញ្ញត្តិ​នេះ ត្រូវ​ពិន័យ​១៧​ដុល្លារ​អា​មេ​រិ​ក ។

អា​រ៉ា​សា​អ៊ូ​ឌី​ត ៖ ជា​ប្រទេស​តែ​មួយ​គត់​លើ​ពិភពលោក​ដែល​មិន​អនុញ្ញាត​ឱ្យ ស្រី​ៗ​បើកបរ​រថយន្ត​ដាច់ខាត ។ ពិត​ហើយ ,​អ្នក​បើករថយន្ត​ត្រូវ​មាន​ប័ណ្ណបើកបរ តែ​ប័ណ្ណ​នោះ​គេ​ផ្ដល់​ឱ្យ​តែ​ប្រុស​ៗ​ប៉ុណ្ណោះ អត់​ផ្ដល់​ឱ្យ​នារី​ឡើយ ។

រុ​ស្ស៊ី ៖ នឹង​ត្រូវ​ពិន័យ ប្រសិនបើ​ទុក​ឱ្យ​រថយន្ត​កខ្វក់​ពេក ។ ដូច្នេះ តើក​ខ្វក់​ពេក​នោះ​កម្រិត​ណា ? គឺ​នៅ​ពេល​អាច​យក​ម្រាមដៃ​សរសេរ​លើ​កញ្ចក់​រថយន្ត​នូវ​អក្សរ Wash me ហើយ​អាច​មើលឃើញ​ច្បាស់​គ្រប់​គ្នា ។

ទីក្រុង​ម៉ានីល៍ ប្រទេស​ហ្វ៊ី​លី​ពី​ន ៖ នៅ​រដ្ឋធានី​ប្រទេស​នេះ បើ​បើកបរ​រថយន្ត​ថ្ងៃ​ចន្ទ ខណៈ​លេខ​រថយន្ត​បញ្ចប់​ដោយ​លេខ​១ ឬ​លេខ​២ ចូរ​ប្រញាប់​បញ្ឈប់រថយន្ត ព្រោះ​មិនមែន​ជា​ថ្លៃ​សម្រាប់​រថយន្ត​ធ្វើ​ដំណើរ​ក្នុង​ទីក្រុង​ទេ ។ រឿង​លេខ​រថយន្ត​នេះ ចេះ​តែ​គិត​ដេញ​ទៅ​មុខ​រហូត​ដូច​យ៉ាង​បើករថយន្ត​ក្នុង​ថ្ងៃ​អង្គារ ខណៈ​លេខ​រថយន្ត​បញ្ចប់​ដោយ​លេខ​២ ឬ​លេខ​៤ ក៏​ត្រូវ​ហាម​ដូច​គ្នា ហើយ​ចេះ​តែ​ដេញ​ទៅ​មុខជា​បន្តបន្ទាប់​រហូត​ដល់​ថ្ងៃអាទិត្យ ។

ម៉ិច​សិ​ក ៖ អ្នក​ជិះ​កង់​នៅ​ប្រទេស​នេះ ហាម​លើក​បាតជើង​ចេញ​ផុត​ពី​ឈ្នាន់​កង់ ។

ជប៉ុន ៖ ជនជាតិ​ជប៉ុន​មាន​បញ្ញត្តិ​មួយ​គួរ​ឱ្យ​ស្រឡាញ់ នោះ​គឺ​មិត្ត​នឹង​ត្រូវ​ដកហូត​ប័ណ្ណបើកបរ ប្រសិនបើ​មុន​ពេល​ឡើង​បើកបរ​មិន​ពិនិត្យ​ខាងក្រោម​រថយន្ត​ឱ្យ​ច្បាស់ តើ​មាន​ឆ្មា ឬ​អត់ ?

ឥណ្ឌា ៖ ប្រសិនបើ​កំពុង​បើកបរ ហើយ​ជួប​គ្រោះថ្នាក់​ចរាចរណ៍​ណាមួយ មិត្ត​ត្រូវ​ស្រែក ខ្លាំង​ៗ ព្រមទាំង​ជេរ​ស​ញ្ចោ​ន​មិន​ដាច់​ពី​មាត់ ធ្វើ​ដូច្នេះ​ទើប​គេ​ជឿ​ថា គ្រោះថ្នាក់​ចរា​ចរណ៍​នោះ មិនមែន​អ្នក​បង្ក​ឡើង ។

នេ​ប៉ា​ល់ ៖ ប៉ូលិស​ចរាចរណ៍​ប្រទេស​នេះ មិន​ចូល​ចិត្ត​ប្រើ​ឧបករណ៍​វាស់​ជាតិ​អាល់កុល​ទេ គេ​ចូល​ចិត្ត​ពិត​ហិត​មាត់ ហើយ​កំណត់​ថា​មុន​ពេល​បើកបរ​មាន​ផឹកស្រា​ឬ​អត់ ,​បើ​ផឹក​ប្រហែល​ផឹក​អស់​ប៉ុន្មាន ?

ម៉ា​សាជូ​សេត​,​សហរដ្ឋអាមេរិក ៖ អ្នកបើកបរ​អាច​នាំ​ស្វា​ហ្គោ​រី​ល​ឡា​(gorilla) ទៅ​ជាមួយ​បាន តែ​ត្រូវ​ទុក​ឱ្យ​នៅ​អង្គុយ​ជិត​ខ្លួន បើ​ឱ្យទៅ​អង្គុយ​ខាងក្រោយ​នឹង​ត្រូវ​ពិន័យ​មិន​ខាន ។

អា​ល្លឺ​ម៉​ង់ ៖ ប្រជាជន​អា​ល្លឺ​ម៉​ង់​ចូល​ចិត្ត​ស្លៀក​ខោខ្លី​បើករថយន្ត ព្រោះ​ច្បាប់​បើកបរ​ប្រទេស​នេះ​ជាត់​ទុក​រថយន្ត​ជា បរិយាកាស​ផ្ទាល់ខ្លួន ។ ប៉ុន្តែ​បើ​បើកបរ​ដោយ​ស្លៀក​តែ​ខោខ្លី ហើយ​បង្ក​ឱ្យ​មាន​គ្រោះថ្នាក់​នឹង​ត្រូវ​ដកហូត​សិទ្ធិ​ធានា​រ៉ាប់​រ៉​ង ។

អង់គ្លេស ៖ អាច​បញ្ឈប់រថយន្ត​តាម​ផ្លូវ​ដើម្បី​រក​កន្លែង​បត់ជើងតូច​បាន មិន​ចាំបាច់​ប្រឹង​ទ្រាំ​ទៅ​ដល់​ស្ថានីយ​ណាមួយ ដើម្បី​សម្លឹង​រក​បង្គន់​អនាម័យ​ទេ ។ កន្លែង​ដែល​បត់​ជើង​តូច​អត់​ត្រូវ​ពិន័យ គឺ​ឈរ អែប​ៗ​ក្បែរ​កង់​រថយន្ត​របស់​ខ្លួន ហើយ​ដៃ​ត្រូវ​តោង​រថយន្ត​រហូត​ដល់​រួចរាល់ ។

ជិះ​អូដ្ឋ ៖ ទិដ្ឋភាព​ជិះ​អូដ្ឋ​ធ្វើ​ដំណើរ​តាម​ទីក្រុង ជា​ទិដ្ឋភាព​មាន​រាល់ថ្ងៃ​នៅ​ប្រទេស​អា​រ៉ាប់​រួម ,​មិនតែប៉ុណ្ណោះ វា​ត្រូវ​បាន​មធ្យោបាយ​ធ្វើ​ដំណើរ ផ្សេង​ៗ​ផ្ដល់​អាទិភាព​ទៀត​ផង ។

ចិន ៖ អ្នកទេសចរ​ហាម​បើកបរ​រថយន្ត​ដោយ​ខ្លួនឯង ។ ហេតុនេះ​គេ​ត្រូវ​តែ​ជិះ​រថយន្ត​តាក់ស៊ី ឬ​រថយន្តក្រុង ។ ទោះ​ដូច្នេះ​ក៏​ដោយ អាច​ជួល​រថយន្ត​ជិះ​ផ្ទាល់ខ្លួន​បាន ដោយ​ជួល​អ្នក​នៅ​មូលដ្ឋាន​បើកបរ​ឱ្យ ។

ក្រូ​អា​ទី ៖ ដើម្បី​សុវត្ថិភាព​អ្នកបើកបរ​រថយន្ត​មិន​អាច​យក​ប្រេងសាំង​ពេញ​មួយ​ប៊ីដុង​ដាក់​ក្នុង​រថយន្ត​បាន​ឡើយ ៕

តុលាការ​កំពូល​សម្រេច​ឲ្យ ថោ​ង សា​រ៉ាត់​និង​ឪពុក​ម្តាយ​ជាប់​ព​ន្ឋ​នាគារ​ដដែល

រាជធានី​ភ្នំពេញ ៖ ទីបំផុត​ទៅ​ប្រធាន​ក្រុមប្រឹក្សា​ជំនុំជម្រះ​តុលា​កំពូល​បាន​ប្រកាស​សាលដីកា​នៅ​ប៉ុន្មាន​នាទី​មុន​នេះ ដោយ​តម្កល់​សាលដីកា​សាលា​ឧ​ទ្ឋ​រណ៍​ទុកជា​ការ​បាន មាន​ន័យ​ថា ស​ម្រេច​ឲ្យ ថោ​ង សា​រ៉ាត់ និង ឪពុក​ម្តាយ​របស់​លោក​ឧកញ៉ា​រូប​នេះ បន្ត​ជាប់​ព​ន្ឋ​នាគារ​ក្នុង​សំណុំរឿង​កាន់កាប់​និង​ដឹក​ជញ្ជូន​អាវុធ​ដោយ​ខុសច្បាប់ ។

សូម​បញ្ជាក់​ថា លោក​ឧកញ៉ា ថោ​ង សា​រ៉ាត់ បាន​ត្រូវ​សាលាដំបូង​រាជធានី​ភ្នំពេញ​ផ្តន្ទាទោស​ដាក់​ព​ន្ឋ​នាគារ​រយៈពេល​២​ឆ្នាំ​៦​ខែ និង លោក ថោ​ង ចំរើន និង​លោកស្រី កែវ សារី ជា​ឪពុក​ម្តាយ​លោក ថោ​ង សា​រ៉ាត់ ក៍​ត្រូវ​ផ្តន្ទាទោស​ក្នុង​ម្នាក់​ៗ២​ឆាំ្ន ហើយ​ក្រោយមក​សាលា​ឧ​ទ្ឋ​រណ៍​ក៍បាន​សម្រេច​តម្កល់​សាលក្រម​សាលាដំបូង​រាជធានី​ភ្នំពេញ​ក្នុង​សំណុំរឿង​កាន់កាប់​និង​ដឹក​ជញ្ជូន​អាវុធ​ខុសច្បាប់ ចំនួន​១១​ដើម ប្រព្រឹត្ត​នៅផ្ទះ​លេខ​៩២១ ផ្លូវជាតិ​លេខ​២ សង្កាត់​ចាក់​អង្រែ​ក្រោម ខណ្ឌមានជ័យ កាលពី​ថ្ងៃ​ទី​០៣ ធ្នូ ២០១៣ ៕

ទទួលទាន​ទឹកដោះគោ​1​កែវ​ក្នុង​មួយថ្ងៃ​ជួយ​ឱ្យ​ស្ត្រី​ឃ្លាតឆ្ងាយ​ពី​ជំងឺ​សន្លាក់​ជង្គង់

អ្នក​វិទ្យាសាស្ត្រ​អា​មេ​រិ​កបាន​អះអាងថា ស្ត្រី​ផឹក​ទឹកដោះគោ​១​កែវ​ក្នុង​មួយ​ថ្ងៃ​អាច​ជួយ​បញ្ឈប់​ការ​បញ្ចេញ​សំឡេង​សូរ​ក្រេតក្រត​ៗ​ពី​ក្បាលជង្គង់​របស់​ខ្លួន ។

ការ​ពិសោធ​ទៅ​លើ​បុរស​-​ស្ត្រី​មាន​បញ្ហា​សន្លាក់​២​ពាន់​នាក់​ប្លាយ​បាន​បង្ហាញ​ថា ស្ត្រី​ដែល​ជា​រឿយ​ៗ​ផឹក​ទឹកដោះគោ​គ្មាន​ផ្ទុក​សារធាតុ​ខ្លាញ់​ឬ​មាន​ខ្លាញ់​កម្រិត​ទាប​ជួបនឹង​ហានិភ័យ​កើត​មាន​បញ្ហា​សន្លាក់​ក្បាលជង្គង់​យ៉ាងតិច​បំផុត ។

វេជ្ជបណ្ឌិត Bing Lu អ្នកដឹកនាំ​ការ​សិក្សា​មក​ពី​មន្ទីរពេទ្យ Brigham and Women's Hospital ស្ថិត​ក្នុង​ទីក្រុង​បូ​ស្តុ​ន រដ្ឋ​ម៉ាសា​ឈូ​សេត សហរដ្ឋអាមេរិក​ថ្លែង​ថា ៖ «​ទឹក​ដោះ​គោ​​ដើរតួ​នាទី​យ៉ាង​សំខាន់​ជំរុញ​ដល់​សុខភាព​ឆ្អឹង ។ នេះ​ជា​ការ​សិក្សា​ធំ​ជាងគេ​បំផុត​ដែល​បាន​ពិនិត្យ​មើល​ពី​ប្រសិទ្ធភាព​របស់​ទឹកដោះគោ​លើ​កា​រវិ​វ​ឌ្ឍ​ជំងឺ​សន្លាក់​ក្បាល​ជង្គង់»។

ដោយឡែក សម្រាប់​បុរស​ការ​ផឹក​ទឹកដោះគោ​មិន​បាន​ជួយ​ឱ្យ​ពួក​គេ​គេច​ផុត​ពី​បញ្ហា​សន្លាក់​ឡើយ ។ ទោះជា​យ៉ាងនេះ​ក្តី ការ​ប្រើប្រាស់​ក្នុង​ចំនួន​មួយ​យ៉ាង​ខ្ពស់ អាច​ជួយ​ធ្វើ​ឱ្យ​ល្អ​ប្រសើរ​ដល់​សុខភាព​សន្លាក់​ក្បាលជង្គង់​របស់​ពួក​គេ​បាន ។

វេជ្ជបណ្ឌិត Bing Lu បាន​បន្ថែម​ថា យ៉ាងណា​ក៏​ដោយ ការ​សិក្សា​បន្ថែម​ទៀត​ពី​បរិមាណ​ទទួលទាន​ទឹកដោះគោ​និង​កា​រវិ​វ​ឌ្ឍ​ជំងឺ​សន្លាក់​ចាំបាច់​ត្រូវធ្វើ​ឱ្យ​បាន​ឆាប់​កាន់​តែ​ប្រសើរ៕